NIHIMO na sab ang mga sakop sa Ginatilan Motor Riders Club (GMRC) sa ilang charity ride alang karong tuiga sa ikaduhang higayon sa ilang gift giving ug feeding.
Ang mga beneficiary naglangkob sa 43 ka mga tinun-an sa Campisong Elementary School, lungsod sa Ginatilan.
Ang mga bata nakadawat og school supplies, kompleto sa bag plus bisquits, natagbaw sab sila sa gipang apud-apod nga pack meals nga adunay spaghetti, slice bread ug juice.
Ang pagpang apod-apod sa grupo nagsilbing timaan sa pagpa-ambit sa kahulogan sa pasko pinaagi paghatag ug ginagmay, apan kinasingkasing nga pinaskohan sa mga batang tinun-an sa bukid. (PR)