Super Suroy: Club Paradise Paraiso sa Palawan

DIMAKYA ISLAND. Adunay puti ug pino ang balas sa baybayon.(Ileana Cortes)
DIMAKYA ISLAND. Adunay puti ug pino ang balas sa baybayon.(Ileana Cortes)

ALANG kanimo unsay imong paghulagway sa usa ka paraiso?

Kay kon akoy pabut-on ang akong description sa usa ka paraiso, usa ka lugar nga adunay beach nga ang baybayon adunay pino nga balas, presko ang hangin ilabi na ang kanindot sa talan-awon sa kina-iyahan..

Kapin sa 7,600 ka mga isla sa Pilipinas, usa sa matawag nga paraiso mao ang Palawan.

Giilang second best island in the world sa The World’s Best Awards 2019 sa travel website nga Travel+Leisure.

Kini nagpamatuod lang nga daghang ikahalad nga bahandi ang Palawan.

Usa sa niini ang Club Paradise Palawan.

Club Paradise

Kon buot nimo makalingkawas sa kagubot ug trapik sa siyudad o ba kaha mopahuway sa trabaho, perfect getaway ang Club Paradise Palawan.

Ang Club Paradise Palawan usa ka esklusibong resort hotel nga adunay gidak-on 19-ektarya, dinhi nahimutang ang Dimakya Island, Coron, amihanang bahin sa Palawan.

Mosugat nimo ang panoramic view sa ilang 700-square meter nga white sand beach.

Ang resort gideklarar nga Unesco Biosphere Reserve gumikan sa sustainable development projects.

Adunay kaugalingong farm ang resort nga gitawag og Taranuman Farm diin dinhi nila gikuha ang tanang ingredients sa ilang restaurant.

Ang Club Paradise Palawan gidumala sa Discovery Hospitability Corporation ug gipanag-iya sa Discovery World Corporation.

Gipasidunggan ang Club Paradise isip Global Winner sa Luxury Family Beach Resort category sa 2019 World Luxury Hotel Awards nga gipahigayon sa Finnish Lapland.

Accommodation

Ang exclusive resort adunay 50 ka modern accommodation nga mamahimong kapilian:

Sunrise Villa - Perfect spot alang sa pagsaksi sa pagsubang sa adlaw. Ang Sunrise Villa adunay Standard room (35 square meter), Deluxe (35 sqm), ug Sunrise Villa Premier (46 sqm).

Sunset Villa - Wala nay mas relaxing pa sa pagtan-aw sa pagsawop sa adlaw. Ang Sunset Villa adunay Standard room (20 sqm), Deluxe (34 sqm), and Sunset Villa Premier (60 sqm) located at the main beachfront.

Garden Suite - Standard hotel room nga adunay private balcony kon asa pwede kang magpahayay. Mamahimo sab mag bat viewing sanglit duol ra ang Bat Haven sa maong room.

Alang sa private events ug meeting, adunay function rooms ang maong resort.

Island activites

Sa mga adventurous, ang Club Paradise mitanyag og water activities sama sa kayaking, parasailing, diving, hiking, snorkeling ug island hopping.

Aron mas ma-enjoy ang pag-istar sa Club Paradise, adunay tour package nga gi-offer ang resort sama sa Bottom Fishing, Coron Island tour, Calauit Safari tour, Island escapade, Island hopping, Splish Splash, Bike tour, and Sunrise sailing. Sa island hopping, lakip nga mabisita ang tulo ka private island:

• Malpagalen - Puti ug pino nga balas, tin-aw nga dagat ug rock formation ang mosugat kanimo

• Dimalanta - Haum alang sa snorkeling sanglit abunda kini sa marine life resources

• Diatoy - Perfect alang sa snorkeling, kayaking ug paddle boarding

Unsaon pag-adto

Adunay direct flight ang Cebu Pacific gikan Cebu-Busuanga (Coron) nga mobiyahe ikaduha ka higayon sa usa ka adlaw.

Aron makaadto sa Dimakya Island gikan sa Busuanga Airport, mosakay og van padulong sa port kon asa mosakay og bangka padulong sa Dimakya Island sud lang sa 30 minutos nga biyahe. (Ileana Cortes, Charry Lane Coronel)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph