KARON nga nagkadaiyang Christmas party na ang gipahigayon, aduna’y tambag ang Department of Health (DOH) 7 sa publiko aron dili kini malandig sa tambalanan.
Matod ni Dr. Van Phillip Baton, medical officer sa DOH 7 nga kinahanglan nga di magpalabi sa bisan unsa nga kaunon karong Pasko ug Bag-ong Tuig.
Susama sa pagkaon og lechon, kinahanglan nga di daghan ang kaunon nga tambok.
Usa ning hypertension o high blood nga mosaka ang kaso kon panahon sa holidays.
Dugang ni Baton nga delikado usab ang stroke niining panahona.
Tambag niini nga molihok-lihok usab susama sa paglakaw inay nga magsakay kon duol ra ang adtoan nga party. (HBL)