LAING 43 ka mga armas usab ang gitahan sa pipila ka residente sa mga bukirang barangay sa dakbayan sa Sugbo sa (CMFC) City Mobile Force Company sa Cebu City Police Office (CCPO).
Kini naghatod na 306 sa kinatibuk-ang armas nga nabawai sukad gisugdan niadtong Agusto ning tuiga ang kampanya sa kabukiran batok sa loose firearms.
Ang maong mga armas matod ni Police Lieutenant Colonel Randy Korret, heoe sa CMFC sa CCPO, nga dugay na nga gitagoan sa mga molupyo sa bukid apan tungod sa ilang hangyo nga i-surrender kini gisanong usab sa mga nagtiner og armas.
Niadto lang miaging semana human mabalita sa mantalaan ug sa telebisyon usa ka babaye nga taga barangay Guadalupe ang mibisita sa CCPO aron iturn-over ang shotgun sa iyang bana nga original.
Matod niya nga wala na kini gamita sa iyang bana ug maghatag lang kinig peligro sa iyang mga bata nga maoy hinungdan nga naka hukom kini nga i-surrender.
Mipasabot si Korret nga dili na bag-o alang kaniya nga aduna gyuy mga armas ang pipila ka mga molupyo sa bukid tungod sa sitwasyon sa karaang panahon nga dili sila maabot sa presensya sa kapulisan ug pag depensa usab sa ilang kaugalingon.
Kasagaran sa mga armas nga nakuha pulos improvise apan ang mga piyesa niini mga original sama nalang sa mga tag-as ga kalibre sa armas nga mao ang carbine.
Mikatap, matod pa, kini niadtong 1900s ug atol usab sa unang gubat sa tibuok kalibutan diin ang mga amerikanong sundalo ang nagdala niini sa Pilipinas.
Tungod niini ,daghan sa mga residente sa bukid human sa ikaduhang gubat sa kalibutan gipang bilin nalang kini nga gipang kuha usab sa mga molupyo.
Ila dayon nga gipang agni ang mga residente nga itahan kini sa kapulisan aron dili kini magamit sa dautan.
Ang maong mga armas nga gitahan sa kapulisan gipasalig ni Korret nga dili kini maadto sa kamot sa mga police tungod kay matag buwan iya kining ipakita sa publiko.
“Ipina-present namin para makita nila na yung sinu-surrender nila ay nandyan.” Matod ni Korret.
Daghan pang armas sa bukid apan ilang isunod ang mga molupyo sa patag sama sa Barangay Gaudalupe nga dunay gipangtagoang di lisensyadong armas. (AYB)