SUPERBALITA CAGAYAN DE ORO

Super Ka: Nef Luczon, back to back awardee sa GMEA

BANGIITANG manunulat sa pahayagan, kanhi anchorman sa usa ka telibisyon, speaker sa mga young journalists sa nagkalain-laing tunghaan, kanhi instructor sa dakong unibersidad, nahimomg editor-in-chief sa SunStar Cagayan de Oro ug social media specialist, nahimong kolumnista sa Superbalita ug kasamtangan nga editor-in-chief sa Philippine News Agency ang matag tuig gaharbat og award.

Kini sa tinuig nga pagrekognisar sa Globe ngadto sa mga sakop sa media gikan sa print, radyo ug telibisyon pinaagi sa Globe Media Excellence Award (GMEA).

Si Luczon wala nay angayan nga pamatud-an gumikan ang katarong ug dedikasyon sa iyang trabaho mao kini ang naghatod kaniya nga marekognisar ug mahimong awardee.

Matud ni Luczon sa interbyu sa Super Ka segment sa SunStar Superbalita nga 2016 nahimo siyang finalist isip kolumnista. Nahimo kini niyang inspirasyon nga mas maningkamot gumikan kay pag abot sa tuig 2017, tulo ka makabubuyong nga pasidungog ang iyang naangkon.

Giila kining Columnist of the Year for 2017 tungod sa iyang column nga “Environment, Tourism and Mt. Apo” nga gipublisar niadtong March 28 2017.

Ang iyang “Disaster Response: CDO Flood Update Series” nahimo sab nga Social Media Campaign of the Year. Niadtong tungora giila sab kining Social Media Advocate of the Year tungod sa iyang hashtags nga #Media Literacy, #ResponsibleCitizenJournalism ug #MediaEthicsAndEtiquette.

Ning tuig 2019 giilang Explanatory/Investigative Video of the Year for Digital award si Luczon tungod sa iyang dokumentaryo nga adunay titulong “Plastix.” Gipasabot ug gihatagan niini og gibug-aton ang storya giunsa pag regulate ug pag sustain sa dakbayan sa Cagayan de Oro sa pagdili sa plastic.

Taliwala sa ka busy sa adlaw adlaw nga trabaho ug panahon sa pamilya mas gipatigbabaw gihapon niini ang saktong pag manage sa oras.

Ang paghatag og pasidungog sa Globe sa mga manunulat ug magsisibya daw dako og tabang ug inspirasyon nga maningkamot.

“Mawili pud ka kay with that, ma-challenge ka to write and gather data better nga with quality,” matud niini ug gipasabot nga tanan iyang nakober himoan ug storya labina kay pasyon niya kini ug kung unsa man ang gi required sa GMEA mao kini ang ipasa.

Gawas sa mga nanganlan nga award miangkon usab kini og UP Science Journalism Award sa larangan sa opinion writing for science ug sa tuig 2014, ang entry niini nga “Dire Husi” nga nagpasabot “Here, My Friend” atol sa P.O.V. (Piling Obra Vidyo), usa ka short film competition alang sa mga tinun-an sa kolehiyo ang midaog isip Best Documentary Film nga gidirek mismo ni Luczon. Nef, garbo ka sa SunStar Cagayan de Oro!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph