SUPERBALITA CAGAYAN DE ORO

Negosyo dili apektado sa martial law

GIBUTYAG sa kadagkoan sa Department of Trade and Industry (DTI)-Northern Mindanao nga dili apektado ang mga negosyo panahon sa martial law ug gani mas daghan pa ang mga nibubo og pundo sa Northern Mindanao.

Kini human nga gi-anunsiyo ni Presidente Rodrigo Duterte nga dili na niini buot ipadayon pa ang martial law sa sunod tuig human matapos na

kini karong tuiga.

Nibutyag si director Linda Boniao, sa DTI-Northern Mindanao, nga mas daghan man gani ang nagbubo og pundo sa panahon nga anaa ang martial law.

“With or without martial law gadaghan paman atong investor, so murag sauna mahadlok ta pero with or without martial law naa may nag invest, in fact daghan,” matud ni Boniao.

Gani usa ka dakong patigayon ang nagbukas panahon nga anaa pa ang martial law diha sa Iligan City. Gidugang pa nga panahon sa martial law daghan ang mga langyaw nga media ang nahidangat sa rehiyon gani hurot-hurot ang mga hotels ug puno ang mga kan-anan.

“I mean ang business has their own time maggiyera o martial law o dili naay negosyo kay in the height of martial law naa may nag invest sa ato,” dugang pa ni Boniao.

Nagtoo kini nga mas motaas pa ang ihap sa mga magbubo og pundo sa rehiyon ilabi na sa mga mosunod nga mga tuig. Kini tungod sa mga kalamboan ilawm sa administrasyon ni Presidente Duterte sama sa airport sa Bukidnon ug dunay mga dagkong kampanya ug mga planta sa power supply ug uban pa dinhi sa rehiyon.

“Dili ko maka-ingon nga mag double pero nagtaas gyud ang atong trend,” matud niini. Medyo makaarangkada gyud siya in the next few years,” dugang pahayag sa opisyal.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph