SUPERBALITA CAGAYAN DE ORO

Modernong sakyanan 24 oras magdagan



DILI na mahasol ang mga Kagay-anon ilabi na ang mga sumasakay panahon sa kagabhion nga wala nay masakyan nga mga dyip tungod sa modernong transportasiyon nga tibuok adlaw na ang serbisyo.

Nasayran nga gilusad na sa Oro Transport Services Cooperative (Orotsco) ang 15 ka mga modernong sakyanan nga mobiyahe sa Bugo paingon sa Igpit, Opol, Misamis Oriental agi sa coastal road.

Anaa lang usab sa ubos nga pletihan ang taripa base sa Land Transportation Franchise and Regulatory Board (LTFRB) nga anaa sa P9.00 ang pinakaunang upat ka kilometro ug dugang nga P1.40 matag dugang nga usa ka kilometro.

Matud ni Konsehal Teodulfo Bong Lao nga dili na mabalaka ang mga sumasakay ilabi na ang mga maglaag panahon sa kagabhion kay 24 oras na ang sakyanan.

“By next year kay full implementation na ni siya so 24 hours na gyud ni siya nga ga-operate so katong mga tawo nga ga laag kay dugay makauli sa ilang mga balay dili na mabalaka kay naa naman ni siya ang modern transport,” matud ni Lao.

Gidugang pa niini nga ang siyudad sa Cagayan de Oro ang ikatulo sa nagpatuman na sa modernisasiyon.

“Kita sa city, top 3 ta sa nag implement niini, by next week another units na sab ang i-launch para sa other nga mga ruta,” dugang pa.

( Kris C. Sialana)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph