SUPERBALITA CAGAYAN DE ORO

Suspek sa kasong murder napatay

DEAD on arrival sa ospital ang usa ka lalaki nga wanted sa kasong murder human kini napatay dihang gisilbi ang warrant of arrest batok niini mga alas 6 sa gabii, sa Barangay Victory, lungsod sa Lantapan, Bukidnon.

Sa inisyal nga imbestigasyon sa Lantapan Police Station sa pagpangulo sa hepe nga si Police Major Noel Cano, nasuta nga target sa pagsilbi sa warrant of arrest mao si Rodolfo Talino Alyas Katol, 56, balo, usa ka mag-uuma ug residente sa susamang barangay.

Dihang gisilbi na sa mga operatiba ang warrant sa kasong murder nga giatubang niini dali kining misibat ug nagdagan ug bitbit ang pistola namusil sa mga police officer.

Hinungdan nga si Police Staff Seargent Dennis A. Adiong ang mibalos sa pagpusilug naigo si Talino sa nagkadaiyang parte sa lawas. Gidali kini og dala sa ambulansya paingon sa Bukidnon Provincial Hospital apan mga 7:20 sa kagabhion gideklarar kining dead on arrival.

Nakuha sa posisyon ni Talino ang 38 kalibre nga aduna pay tulo ka mga buhing bala, usa ka basyo sa bala ug usa ka bolo.

Si Talino nag atubang og kasong murder ug walay piyansa nga girekomendar ni Presiding Judge Pelagio B. Estopia sa Regional Trial Court Branch 8 penetsahan niadtong Marso 4, 2008.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph