SUPERBALITA CAGAYAN DE ORO

4 ka establisimento nakalapas sa SRP

UPAT ka mga establisimento ang nakalapas sa suggested retail price (SRP) atol sa gipahigayong inspeksiyon sa Department of Trade and Industry (DTI) sa dakbayan sa Cagayan de Oro.

Gibutyag ni Almer Masillones, OIC provincial director sa Misamis Oriental sa DTI, nga dunay upat ka mga nakalapas sa SRP o nagbaligya og taas pa nga presyo sa mga noche buena nga produkto atol sa inspeksiyon kauban ang City Price Coordinating Council (CPCC) ug na-isyuhan og letter of inquiry.

“That was the time nga naa tay four grocery stores and supermarkets found to be selling noche buena items above SRP,” matud ni Masillones.

Dugang pa niya nga nalipay ra usab ang buhatan tungod kay nagpadala na og tubag ang maong mga establisimento ug gipaubos na ang presyo base sa rekomendasiyon sa DTI.

“We are happy to announce that all those four establishments complied, they submitted their explanations because of the, katong taas na ilang presyo and now they complied, they adjusted na mismo ilang presyo according to the SRP that we provided,” dugang pa sa direktor.

Giklaro usab ni abogado Fel Brillantes sa DTI nga dili diha-diha dayon mamultahan ang usa ka patigayon apan ipaagi pa kini og proseso. Giingon nga kung makita nga naa kini insaktong rason dili kini mapasakaan og kaso o mamultahan.

“Kung makita namo nga naa siyay pagsaka ginapadalhan nato og mga letters inquiry ginapangutana nato ngano taas ilang presyo,” matud ni Brillantes.

Ang multa moabot sa P5,000 hangtod na sa P5 milyon nga ipahamtang sa mga patigayon nga dili motuman sa mga gitugot nga presyo sa DTI.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph