SUPERBALITA CEBU

Miatake sa promodiser ‘may deperensya’ sa pangisip

ADUNAY deperensya sa pangisip ang babaye nga ni-viral human gilabay og humidifier ang usa ka promodiser.

Mao kini ang resulta sa psychiatric evaluation niadtong Huwebes sa buntag, Disyembre 12, 2019.

Matod ni Chief Investigator Jeffrey Larrobis sa Mabolo Police Station nga usa ka psychiatrist sa Vicente Sotto Medical Center ang nipahigayon sa evaluation ni Medelina Yamazaki.

Nahibaw-an nga aduna kini bipolar disorder ug girekomendar nga dalhon sa usa ka mental facility,

“She is uncooperative during interview and refused to answer most questions,” saysay ni Larrobis sa pagkutlo sa report sa psychiatrist.

Dungag niya nga sa maong report, nahibaw-an nga di haom nga moatubang og husay si Yamazaki tungod sa kondisyon niini.

Ingon pa sa iyang pamilya nga nakasinati og postpartum depression si Yamazaki human nanganak.

Niadtong bata pa, giingong gimaltrato usab siya.

Human sa insidente, nakadesisyon sila nga ilang ipailawom og psychiatric evaluation.

Si Yamazaki gidala sa psychiatric ward sa Vicente Sotto Medical Center kuyog ang iyang abogado Huwebes sa buntag, Disyembre 12, 2019.

Reaksyon

Matod sa promodiser nga si Jennifer Fabillar nga gipatambalan unta sa pamilya si Yamazaki ug di unta pasuroy-suroyon aron dili makamugna og aksidente kon kini nakasinati og postpartum depression ug di makakontrolar sa iyang gibati.

Di siya katuo nga kini nabuhat ni Yamazaki ngadto kaniya sanglit igo ra kini niya gibandlong nga di ituwad ang humidifier tungod kay anaa ni sulod nga tubig ug nakasaksak usab.

Matod niya, ang bana niini nipataas usab sa tingog apan nakasabot ra siya sanglit wa nakasabot kon unsa ang ilang gipangyawit sa iyang asawa.

“Ang sayop lang gyud niya kay wala niya giharang ang iyang asawa bisag nakakita na siya nga nasamad na akong nawng,” saysay niya.

Sigon ni Fabilar nga nakasinati siya og trauma tungod sa hitabo sama anang mahadlok siya molantaw sa ilang gate.

Kon siya mogawas sa ilaha, batyag niya anaay moduslak niya sa luyo tungod sa paghulga ni Yamazaki kaniya. Mahadlok na usab kini sa iyang palibot.

Dungag usab niya nga tabangan siya sa iyang kompaniya, Mia Maison Home Fragrance, nga mopailawom og stress debriefing ug mag-agad usab siya sa iyang abogado kon unsay iyang sunod buhaton.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph