DUWA karon
6:30 pm- Ginebra batok NorthPort
Human sa duha ka mga semana nga pagkahunong gumikan sa pagpahigayon sa 30th Southeast Asian Games, mobalik ang aksyon sa Philippine Basketball Association (PBA) Governor’s Cup karong gabii sa Smart Araneta Coliseum.
Seguradong matambalan dayon ang kahidlaw sa mga sumosunod sa liga gumikan kay ang kombati tali sa labing bantugang basketball squad sa nasod nga mao ang Brgy. Ginebra Gin Kings ug NorthPort Batang Pier ang mosugat sa pagbalik sa askyon sa torneyo.
Ning sangkaa, sugdan sa Gin Kings ug Batang Pier ang ilang panagparang alang sa best-of-five semi-finals series.
Dili ikalimod nga naglutaw pa sa kawanangan ang hunahuna ni Ginebra coach Tim Cone human niya naagak sa gold medal finish ang Gilas Pilipinas sa Seag men’s basketball event.
Sa taas niyang kasinatian, si Cone seguradong nasayod nga kinahanglan niyang ipadaplin ang Seag aron matutokan ang ilang tahas sa season-ending conference. (ESL)