KINI nga recipe parehas sa gi-serve sa ubang Chinese restaurants diin walang coating nga harina ang manok pero gwapa kaayo iyang pagka-brown sa panit. Nindot sad ni kay ready to fry ug di ka mahadlok nga mahilawan ka og luto kay gipabukalan na ang manok daan.
• Mga sagol:
4 piraso chicken leg quarter
Asini gamay ug ipadaplin og 15 minutos mintras mag-andam ka sa mga sagol para sa paglapwa.
• Para lapwa
4 ka tasa nga tubig
1/2 tasa sa soy sauce
4 kutchara sa asukar
4 star anise
4 ka lusok sa ahos tibuok lang
4 ka hiwa sa luy-a
4 ka dahon sibuyas
1 kutcarita paminta tibuok
• Unsaon pagluto:
1. Ibutang ang tanan sagol sa lapwa way labot sa manok sa usa ka kaldero unya pa bukali og singko minutos para makuha ang lasa sa lamas dayon pahinayi ang kayo.
2. Ibutang ang manok ug lutoa og 12-15 minutos ang manok. Mas maayo og di mobukal ang tubig og kusog. Hinay hinay lang nga dili ma lata ang manok ug madaot ang panit.
3. Tangtanga ang manok dayon pa bugnawa. Pwede i chiller or electric fan para mouga ang paniit.
4. Kon uga na ang panit ug pwede ba nimo pritohon hangtod makuha ang nindot nga color. Ayaw kaguol kon dali ra ma luto kay napabukalan na kini.
5. Ang sabaw sa gipabukalan sa manok pwede ra nimo buhaton nga gravy sa pag-serve. Palaputa lang og gamay nga cornstarch.
Sunda ko sa akong social media accounts.
Facebook: facebook.com/LutongTatungOfficial
Website: www.lutongtatung.com
Twitter: @cheftatung
Instagram: Cheftatung