DEAR Noy Kulas,
Tawga lang ko sa ngalan nga Ema, 32 na, taga Cebu City. Ang akong dakong problema ang akong BF karon.
I am hoping nga di ka mo-judge nako sa akong situation. Ing ani ni. Naa koy live in partner for three years na. Usa siya ka salesman. Bisan sa kadugay na namo, wa siya mo-propose og minyo nako but boutan siya. Wa pud mi makaanak ug bisan na lang nga sign nga momabdos ko. Most of the time man sab gud, wa siya diri sa Cebu kay magsige og biyahe tungod sa iyang work.
Five months ago, nagkakita mi sa akong former boyfriend. Naminyo siya but annulled na ang ilang kasal sa iyang asawa. Duna silay tulo ka mga anak. Ang mga bata naa niya kay ang iyang asawa naminyo og foreigner.
Nagsige mi og kita hangtod nga nagkabalik mi. Kon wa ang akong live in partner, adto ko usahay matulog sa balay sa akong boyfriend kay gipaila ko sa iyang mga anak. Nakahibawo ang akong uyab nga naa koy live in nga iyang gustong pabuwagan. Gusto niya nga magminyo mi bisan sa akong status.
Naglibog ko kon unsa ang akong buhaton kay love nako ning duha ka guys sa akong life. Nothing is wrong sa akong live in partner, but lisod kay pirme siyang wala diri. Ang akoa pud kay naay mga anak ang akong boyfriend. Mao ni ang nakapalibog nako. Lain pa, kani sab nga wa mi makaanak. Gusto ko nga makaanak. Please tambagi ko.
Ema
Em,
Kinsa man ang mas bug-at kanilang duha alang nimo? Kinsa man ang tan-aw nimo nga dunay direction ang imong kinabuhi? Ang salesman ba nga kanunay nga out-of-town or ang imong ex nga duna nay mga anak, apan gusto kang pakaslan?
Mas maayo mag-estorya mo sa imong live in kon unsay iyang plano alang ninyong duha. Duna ba siyay planong magpakasal mo? Unsay iyang tan-aw sa inyong sitwasyon nga after living together for three years, wa pa moy anak. I tell you, naa bayay panahon nga moabot sa punto nga pul-an mo labina kay wa moy anak. Pun-an pang way hisgot sa kasal.
Tan-awa kon unsay imong bation nga magpuyo ka sa lalake nga dunay mga anak sa iyang unang asawa. Di ka ba malain nga magtan-aw nga di sila nimo dugo, apan magpuyo mo together.
Human ani, you decide na kon kinsa nilang duha ang imong pilion. Be frank pud sa imong live in sa imong pagahimuon nga desisyon kay wa ka ra nagkabatan-on. Pangayo usab og giya sa Ginuo.
Noy Kulas