MANILA - Sa “Ang Probisyano” unang gi-introduce ni Coco Martin ang character nga “Paloma” isip pamaagi niya sa undercover sa mga kasong iyang gitutukan.
Sa pelikulang “3pol Trobol Huli Ka Balbon” nga entry ni Coco sa Metro Manila Film Festival 2019 (opens on December 25), makita og usab ang character ni Paloma ug sa press conference sa maong pelikula nga gipahigayon sa Luxent Hotel niadtong Disyembre 12.
Gitug-an ni Coco nga makita og usab si Paloma pero last time na kunong gamiton ni Coco ang character ni Paloma.
“Since last ko na itong gagamitin, tinodo ko na, ti-nayms 5 ko na,” matod ni Coco.
Sakto tungod kay sa poster, tulo ka maanyag nga “Paloma” nga anaa sa poster and take note, may kaugalingong “glam team” si Paloma.
May eksena pa nga si Paloma nakipag-harutan sa gwapong si Sam Milby.
Ai-Ai delas Alas plays Coco’s mother ug happy ang aktres tungod kay nakabalik siya sa MMFF after her “Tanging Ina” stints ug first time nilang mag-uban.
Love interest ni Coco dinhi si Jennylyn Mercado ug dili kini ang unang higayon nga nag-uban sila.
Matod ni Jennelyn, nag-uban sila ni Coco sa indie movie kaniadto nga “Nurse” nga gipagawas kaniadtong 2007.
Ang veteran actress nga si Carmi Martin, pipila na ka higayon nga nakauban na ni Coco sa pelikula, nalipay siya nga bisan og dili sila paryente ni Coco (parehong Martin ang ilang screen name) pero itinuring siyang “paryente” kay sige siyang kauban sa mga lilas ni Coco.
Ang beauty queen nga si Bianca Manalo, niangkon nga nagpresenta siya sa iyang kaugalingon para makauban sa “3Pol Trobol Huli ka Balbon”.
Join sad dinhi ang mga rapper nga kauban ni Coco sa Ang Probinsyano headed by Bassilio nga dako-dako na ang kita tungod kay mag-3 years na sila sa Ang Probinsyano.
Si Coco ang bida, director ug producer sa “3pol Trobol Huli Ka Balbon” ug matud pa sa cast ilabi na ang mga rapper, istrikto si Coco.
Yung ang call time is 5:00 am kinahanglang present na ang tanang artista para sugdan na ang shooting kay gusto ni Coco nga sayo makauli ang iyang mga artista.
Gi-assure ni Coco nga dili copycat ang “3Pol Trobol Huli Ka Balbon” sa “Ang Probinsyano”.
Sa laing bahin, nagpa-raffle si Coco ug ang first prize is P100,000 nga nadag-an sa taga ABS-CBN.