MOHIMO og managlahing imbestigasyon ang Department of Health (DOH) 7 ug konseho sa dakbayan sa Mandaue bahin sa kapin sa usa ka tuig nga bata human sa nagpabakona.
Si Dr. Nerrisa Soon-Ruiz, chairperson sa Committee on Health sa konseho sa Mandaue, kinahanglan nga masuta ang hinungdan sa kamatayon sa masuso, “as soon as possible.”
Nasubo si Ruiz human makahatag kini og kahadlok sa mga ginakanan nga ipabakuna ang ilang mga bata.
“Ug unsa man gani resulta kung aduna man gani panubagon kay ato nang buhaton, kay first and foremost, ang ato is the protection of our citizen labi na gyud sa mga taga Mandaue... We would not want this to happen,” sigon ni Ruiz.
Dugang niya, kung kinahanglanon nga ugkaton ang maong masuso aron ma-autopsy, buhaton nila alang sa imbestgasyon.
Ang grupo nga moimbestigar pangulohan ni Mandaue City Mayor Jonas Cortes ug ang hepe sa Mandaue City Health Office nga si Dra. Rose Marie Tirado isip co-chair.
Ang mga miyembro mao silang Dr. Maria Espinosa, hepe sa Mandaue City District Hospital; Hermela Tan, Development Management Officer sa Department of Health (DOH); Federico Damole, manager sa Philippine Charity Sweepstakes Office (PCSO), Lolita Ganapin sa Bidlisiw Foundation; Dolly Cabatingan, presidente sa SK Federation, ug Claire Abadia isip secretariat.
Samtang, ang ginikanan sa bata nahinabi sa SunStar Cebu nga gikontak na sila sa Umapad Health Center aron ipahibawo nga mobuhat og imbestigayon ang DOH.
Apan sa pagkakaron, naghuwat pa sa official report sa imbestigasyon ang DOH 7.
Apan si Dr. Jaime Bernadas, direktor sa DOH 7, nakadawat na og initial report gikan sa Eversely Child’s Sanitarium and General Hospital. (KFD)