SUPERBALITA CEBU

49 pamilya nakadawat og financial aid

(Hualgway iya sa Talisay City PIO)

NAKADAWAT na og pinansyal nga hinabang ang 49 ka pamilya nga biktima sa sunog sa Barangay Lawaan 3 sa Dakbayan sa Talisay, Biyernes sa buntag, Disyembre 13, 2019 human ang tulo ka adlaw sa pagkahitabo sa sunog.

Mismo si Talisay City Mayor Gerald Anthony Gullas ang nihatag sa financial assistance diin tag P10,000 ang 47 ka pamilya, P5,000 sa usa ka renter ug P2,000 usa ka pamilya kansang balay ang partially damaged.

Gitug-an sa mayor nga gipauna kini sa City Social Welfare Services (CSWS) sa pagpaasikaso aron makahinay-hinay na sila nga pagpatukod og balik sa ilang panimalay ilabi na nga kapin sa usa ka semana na lang pasko na.

Dako na usab ang pasalamat ni Gullas nga daling nitubag ang Department of Social Welfare and Development Central Visayas, alang sa dugang pagkaon sa mga biktima.

Kini gawas sa mga hinabang nga gipadangat sa kagamhanan sa dakbayan sa Talisay human gyud dayon sa nahitabo nga sunog niadtong Martes sa kaadlawon, December 11.

Kapin sa 200 ka indibidwal ang biktima sa sunog ang nakadawat sa sinako nga mga relief goods, sama sa kinilong bugas, mga de lata ug noodles.

Natapos niadtong Biyernes ang giandam nga tulo ka adlaw nga pagpakaon sa CSWS sa mga biktima. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph