LAUMAN ang mas bongga nga yearend party sa Success Formula International Marketing Corp., karong Disyembre 28, alas 3 sa hapon, sa NCCC Mall Buhangin, dakbayan sa Davao.
Uban niini ang pagpresenta nila sa nagkadaiyang kalihukan, nga gilangkuban sa The Millionaires Top Model 2019, The Millionaires Pop Icon 2019 ug The Millionaires Hip Hop Dance Groove 2019.
“We come up with a plan na pasabog siya, pailaila mi sa company. So naisip namo ning bongga nga event,” suma ni Christopher Rivera, marketing officer sa kompanya.
Ang Success Formula International Marketing Corp. usa ka Davao-based nga kompanya nga nag-market sa nagkadaiyang produkto gikan sa health, ngadto sa beauty and wellness, gipanag-iyahan sa magtiayong Michael Siega Javier nga maoy CEO ug presidente ug kapikas niyang si Lovely Braga Javier, isip vice president.
Apan suma ni Rivera, mas nag-highlight sila sa The Millionaires Top Model 2019 nga giapilan sa 16 ka mga partisipante.
Suma niya, nga kinsa mang modaug dinhi, otomatiko nga mahimong ambassador sa nagkadaiyang produkto nila.
“Ang mas nakaayo lang sab ani nga contest kay dili siya pares-pares, sagul ang participants, though mas daghan ang babae sa lalaki. Mopili mi og one winner ani.”
Dugang ni Rivera nga gipangita nila kadtong charming, photogenic, witty ug may 'K' nga mahimong Brand Ambassador.
Nasayran nga mga candidates gikan pa sa Tagum, Panabo ug ubang dapit sa Mindanao.
Sa pikas bahin, parte sa kompetisyon, nakigpartner ang kompanya sa Superbalita Davao alang sa aktibidad.
Dinhi subling gibuksan ang Reader’s Choice Award.
Ang botasyon sugdan Disyembre 16 hangtud Disyembre 24, diin sugod sa maong adlaw, makita ang hulagway sa mga kandidata sa page 9 ning mantalaan, uban ang kupon.
Sa kupon, isuwat ang ngalan sa kandidata/to nga napili, ug ihulog sa dropbox nga ipahimutang sa buhatan sa kompanya diha sa CM Recto, ning siyudad.
Pila ka adlaw una ang final day, iphon ang boto, diin ang may pinakadaghang votes, ilhong Reader’s Choice sa Superbalita Davao ug pasidunggan sa maong adlaw.
Show you support sa inyong mga bet, boto na!