SUPERBALITA DAVAO

Drug pusher namenteryo

DAVAO. Nagbuy-od nga wala nay kinabuhi ang usa ka gituohang drug pusher human giingong misukol sa kapulisan atol sa buy-bust operation niadtong Biyernes. (Hulagway gikan sa Davao City Police Office)

LAING gituohang drug pusher na sab ang namenteryo human giingong misukol atol sa drug bust sa Sta. Ana Police Station niadtong Biyernes, Disyembre 13, sa Sta. Lucia, Barangay Centro, Agdao, Davao City.

Ang suspek nailhang si Johmel Angelia Estrada, alyas Jomel, 22 anyos, promodiser ug nag-renta og boarding house sa Zone 5, North San Juan, Barangay Centro, Agdao, ning siyudad.

Sumala ni Police Major Michael Uyanguren, hepe sa Sta. Ana PNP, nga dugay na nilang gipanid-an ang ilegal nga lihok sa suspek hangtud miabot sa takna nga gilusad na ang buy-bust operation.

Gisulayan pa og dala sa Southern Philippines Medical Center ang suspek apan gideklara kining dead on arrival.

Nakuha sa posisyon sa suspek ang usa ka Rock Island Armory .9mm caliber dunay serial number 1812702 nga dunay bala ingon man mga basiyo sa armas nga gigamit sa pagpabuto sa suspek ngadto sa pulis.

Lakip nga nakuha gikan sa suspek ang mga pakite sa gituohang shabu ug ang marked money.

Gipanganti sa kapulisan nga ilaha gayod mapatay ang suspek labi na kung mabutang na sa alanganin ilang kinabuhi diha sa operasyon. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph