SUPERBALITA CEBU

Pagdunggo sa balangay mibukas sa quincentennial countdown sa 'Kadaugan'

ANG pagdunggo sa ‘balangay’ maoy mibukas sa countdown sa Quincentennial celebration sa Kadaugan sa Mactan.

Ang ceremonial nga pagdunggo sa Balangay gihimo sa kabaybayunan sa Mactan Shrine sa Siyudad sa Lapu-Lapu, Sabado sa udto, Disyembre 14.

Diin gawas sa ‘balangay team expedition’ nga gipanguluhan ni Arturo Valdez, lakip sa nisakay ang mga opisyal nga nirepresentar sa Agusan del Norte.

Sakay sa balangay niini ang kongresista sa Agusan del Norte, Lawrence Lemuel Fortun, uban ni Butuan City Mayor Ronnie Vicente Lagnada, ug Mayor Amy Alvarez sa lungsod sa San Vicente, Palawan.

Ang kalihukan nga gitawag og ‘Voyage of the Quincentennial Balangays’ nagsugod sa mga programa alang sa countdown sa ika 500 nga tuig sa Kadaugan sa Mactan.

Apan inay nga galleon diin luwan si Ferdinand Magellan, gihimo nila nga unang sakyanang pandagat sa mga Filipino nga gigamit sa pagnegusyo, ang gitawag nga balangay, ang nidunggo duol sa kabaybayunan sa Mactan Shrine, pasado alas 12 sa udto.

Wa usab hingpit nakaduol ang duha ka mga replica sa balangay sa baybayon sa Mactan, kundi diha lang sa 500 metros tungod kay wa pa hingpit nakataob.

Ang mga opisyal sa Agusan del Norte gipabalhin ngadto sa mas gagmay nga mga pumpboat ug maoy nagdala kanila sa baybayon.

Sila si Lapu-Lapu City Mayor Junard Ahong Chan uban si Bise Mayor Celsi Sitoy ug pangulo sa National Historical Commission, Dr. Rene Escalante, Lapu-lapu City director, Police Col. Clarito Baja ug uban pa nitagbo kanila sa baybayon.

Gipasabot ni Chan nga angay lang nga sugdan sa pag-abot sa duha ka replica sa balangay, ang kalihukan sa Quincentennial, isip usa na sa pagpakita sa gamit kaayo sa unang panahon, bisan sa wa pa ang pag-abot sa mga Katsila.

Gani si Datu Lapulapu ug ang unang Oponganon lakip sa naggamit sa balangay sa ilang paglawig, pagpanginabuhi ug sa trading.

“Our hero who once lived along this shore, Lapu-lapu and other ancestors were once on board ship like this one, a balangay. So, it is just fitting that on the 500 days countdown before the quincentennial anniversary, we are grace with the presence of this majestic balangay replicas,” matod sa mensahe ni Chan.

Dugang ni Chan nga ang presensya sa mga opisyal gikan sa Agusan del Norte, pagpakita usab sa kahiusahan ug nga ang kultura ug heritage usa sa nakapabugkos niini.

Sa iyang bahin, si Escalante nipasabot nga ang pagpakita sa mga replica sa balangay usa na ka paagi sa pagbalik lantaw sa kinabuhi sa miaging 500 ka tuig. / FMD


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph