SUPERBALITA CEBU

Daclan: Angelica ug Coco pang-Valentines

DUGAY na kining idea nga mag-uban si Angelica Panganiban ug Coco Martin sa usa ka pelikula sa Star Cinema ug karon madayon na gyud para sa umaabot nga Valentine’s Day sa 2020.

“Love or Money” ang titulo niini ug excited na ang tanan kay una ning higayon nga mag-partner ang Coco ug Angelica.

Pero ari una ta sa entry ni Coco sa MMFF nga “3pol trobol huli ka balbon” diin balik-”paloma” ang byuti ni Coco nga magbinayot o magbinabaye sa maong movie.

Sa trailer pa lang super riot na sa kaalegre ang mga eksena. Labi na ang mga pa-sweet ug kilig scenes nila sa iyang ka-loveteam, ang Kapuso star nga si Jennylyn Mercado.

Puno kini sa mga pasiaw kay makauban usab nila dinhi ang Queen of comedy nga si Ai-ai de Las Alas. Pero dili lang kini pulos katawa kay super ma-aksyon usab ang pelikula. Kauban usab ni Coco ang pipila sa cast sa “FPJ’s Ang Probinsyano”.

Karong umaabot pasko usa ka maaksyon ug puno sa katawa ang atong atangan sa “3pol trobol huli ka balbon”, ay’g saba!

Nagkaguliyang ang tanan labi na ang fans ni Julia Montes sa dihang nakita nila ang video ug photo niini sa social media.

Dugay naman gud natong wala makita ang aktres kay nag-lie low kini sa showbiz.

Daghan ang niingon nga nisamot ang kaanyag sa dalaga karon. Daghan ang naghandom nga unta mobalik na sa telebisyon ang aktres ug mag-uban silag balik ni Coco Martin, ay’g saba!

Alegre sab sigurado karon ang dakong mall dinhi sa Sugbo kay molingaw ug mobisita kanato ang cast sa laing opisyal entry sa umaabot nga MMFF, ang “The mall, the merrier” nilang Vice Ganda, Anne Curtis ug Dimples Romana.

Kon kinsa man ang makauban ni Vice sa dakong programa nga ilang himoon sa Sugbo mao kanay atong atangan ug magdungan na lang tag bahakhak sa kasadya karong paskoha, ay’g saba!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph