UNOM ka buwan human sa miaging mid-term elections ug pormal nilingkod sa gahom niadtong Hunyo 30, 2019, halos tanang local government units (LGUs) nakaplastar na labi na sa bag-ong napili nga mayor.
Naunsa ba nga apil nga naplastar ang pamilya. Sa usa ka LGU, nabaniog nga usa ka igsuon sa mayor sama sa molabaw sa gitudlo nga hepe sa departamento. Pero, ang grabe nga asawa sa mayor nga labot sa mga kalihokan buot nga iyang gusto maoy masunod.
Usa ka First Lady sa LGU sa norte nabaniog nga apil-apilon nga bisan wala labot sa komitiba sa kalihokan. Magtinan-away na lang ang grupo moabot na kini apan gikasagmuyo sa opisyal nga gitudlo sa mayor tungod sa iyang pagsalig sa kapasidad ug loyal usab nga dumadapig.
Apan tungod sa asawa nga apil-apilon, sama sa uban, nagkabugnaw ang pagtabang sa mayor nga malig-on unta ang makinarya pinaagi sa paglusad sa mas makahuluganon ug bug-at nga kalihokan aron dili malimtan sa sunod eleksiyon ug masubli sa pagkapili sa posisyon.
Sa pikas bahin, ang pagkaapil-apilon positibo kini nga batasan basta himuon sa lugar o dili mosapaw sa ubang gihatagan og igong gahom sa pagdumala. Ang suporta sa First Lady modugang og igong kadasig ug kalig-on apan kon mosapaw sa gahom sa uban, makapabungkag sa kahiusahan.
Mas maayong mangita ang First Lady og iyang kalihokan, dili moapil-apil o mosapaw sa gisangonan sa tahas sa iyang bana. Seguro nabag-ohan lang sa kasikat.
Nakahinumdom kamo sa istorya nga 'Samson ug Delaila'? Usa ka istorya bahin sa kusgan ug gamhanan nga si Samson apan yano lang kini napukan sa kahuyang ug kaanyag ni Delaila.
Ang pagka mayor ug pagka bana lahing partida. Kon dili ka gusto mapukan ning sayo pa, pagbaton sa patas nga kalibre.