SUPERBALITA DAVAO

Genoguin: Gumikan ni Cory ug Ramos?

Kontra Balanse

HUMAN nadiskobre ni Presidente Rodrigo Duterte ang kontrata sa Manila Water Sewerage System, ug Maynilad ngadto sa pribadong higante nga negusyanteng Ayala ug Pangilinan, atong namatikdan nga tik-um bibig ang mga senador gawas lamang ni Senator Franklin Drilon nga ang iyang pagdepensa katahapan nga nakinabang sa maong transaksyon.

Gisayonan ka ba, nga walay gahum ang gobyerno sa pagpugong kung magpa-usbaw sila sa water rate, ug kung malugi sila gobyerno ang pabayron? Karon pata makabati niining sistemaha nga ang gobyerno ubos na sa mga dagkong mga negusyante?

Kanus-a kini nahitabo? Niadtong panahon ni kanhi Presidente Fidel Valdez Ramos ug matud pa sa labing kasaligang tinubdan, si Ramos ug si kanhi presidente Corazon 'Cory' Aquino maoy responsable niini, kay nahitabo kini niadtong naghinapus ang termino ni presidente Ramos tuig 1997.

Sa tinuod lang, wala kita’y nakita ug nakuha sulod sa administrasyon ni Ramos, ang pinakadakong sala niya, mao ang pagbaligya sa Petron ngadto sa pribado, nga korporasyon sa atong gobyerno ug pagpasulod sa gustong magnegusyo’g lana.

Ang bulok nga katarungan ni presidente Ramos, kung free enterprise magkopetensiyahay ang mga negusyante’g lana ug niining tungora mobarato ang presyo sa lana, pero ang nahitabo, nagkasabot ang mga negusyante nga dili magkopetensiyahay mao kung mag-increase magdungan, ug mag-rollback usab magdungan.

Dili sa pagdayeg, sa panahon ni kanhi Presidente Ferdinand E. Marcos, dili basta-basta mag-increase ang duha ka negusyante’g lana ang Shell ug Caltex kung dili mag-agad sila sa government oil corporation nga mao ang Petron,ug kung adunay pag-usbaw kinahanglan nga magtagbo una ang Energy Regulatory Board (ERB) kung pila ang usbaw basi kini sa World Market, ug kon nakita sa gobyerno nga dili kaya pas-anon sa mga motorista, adunay subsidy nga tubagon sa gobyerno aron dili magkalisud-lisud ang mga motorista.

Kini dakong kalisud karon nga gipas-an sa mga motorista, ug ang pagmahal sa bayaran sa tubig, gikan pa kini sa panahon ni Ramos nga wala hatagi og pagtagad sa nanglabay nga presidente, kay tingali adunay dakong bahin, mao nga gibusalan ang ilong ni kanhi presidente Gloria Macapagal-Arroyo, ug ni kanhi presidente Benigno “Noynoy” Aquino niining duha ka higante nga negusyante nga mas hawod pa sa atong gobyerno.

Duda kita tungod kay walay imik ang atong mga kanhi senador, walay labot sa mga bag-ong napili. Atong suportahan ug i-ampo kining atong presidente nga maoy nag-utingkay ug mibulgar sa mga kahiwi-an sa milabay nga administrasyon, kay iya nang gisugal ang iyang kinabuhi niini, alang sa katawhang Pilipino.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph