SUPERBALITA CEBU

Bag-ong building sa CCTO tukuron

MAKABATON og bag-ong edipisyo ug modernong kahimanan ang Cebu City Transportation Office (CCTO) sunod tuig.

Kini ang gipahibawo ni Mayor Edgardo Labella.

Ang building diin mahimutang usab ang command center kay gahinan og kapin P200 milyones nga pagakuhaon sa 2020 Annual Budget.

Ang mayor nagkanayon nga sa first quarter sunod tuig, ang CCTO mobalhin usab sa ilang karaang building sa N. Bacalso Avenue apan ipaubos una kini ni Labella sa renovation samtang tukoron pa ang bag-ong building nga mahimutang duol sa karaang edepisyo.

“The old building will be renovated and there will be another building for CCTO and in that building, they will install the traffic intelligent system which will cover the entire City of Cebu not only on traffic problems but all forms of disasters,” paghulagway ni Labella.

Ang mayor niingon nga mobiya na ang CCMC nga maoy kasamtangang nigamit sa building sa CCTO kay mobalhin na sila sa bag-ong edipisyo sa pampublikong tambalanan sa siyudad sa dalan Panganiban, pipila ra ka metros gikan sa Bureau of Fire Protection (BFP) 7 kansang parte gihimo sab nga nga Cebu City Medical Centger (CCMC).

Si Labella nagkanayon nga ang bag-ong building unya sa CCTO, mahimong sentro o command center sa mga alarma sa kadalanan ug usab maaninaw ang tibuok dagan sa trapiko sa dakbayan pinaagi sa intelligent traffic system. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph