DUNGAN nga programa gihimo sa 21 ka ma sentro sa Luzon, Visayas ug Mindanao atol sa pormal nga pagbukas sa 500-day countdown alang sa Quincentennial celebration sa 2021 niadtong Sabado sa alas 6:00 sa gabii, Disyembre 14.
Apn ang sentro sa tanang kalihokan mao ang dakbayan sa Lapu-lapu, diin nahitabo ang una ug bugtong gubat nga nagmadaugon ang mga lumad batok sa mga Espanyol.
Nangulo sa mga lumad mao si Datu Lapulapu, kinsa giila nga unang bayani sa nasod.
Ang main event gihimo sa Mactan Shrine uban sa pagpasiga sa 21 ka landmark lukop nasod.
Samtang, ang matag kalihokan sa nagkalainlaing dapit sa nasod makita sa video streaming lakip sa mga mensahe sa mga lokal nga opisyal.
Si Manila City Mayor Francisco ‘Isko Moreno’ Domagoso, kansang mensahe gibasa sa ilang City Administrator Felixberto Espiritu, maoy nakita sa screen.
“Limitado man sa Kabisayaan ang okasyon, pero tayo lang ang tinatawag na Pilipino, ang ala-ala sa labanan ng Mactan, bahagi na si Lapulapu at ang Mactan ng pamanang kasaysayan ng lahat ng nabibilang sa bansang ito,” tipik sa mensahe ni Domagoso.
Sunod usab nga nihatag sa iyang mensahe si Davao City Acting Mayor Sebastian ‘Basti’ Duterte, in behalf kang City Mayor Sara Duterte.
Matod ni Basti, ang gihimo ni Lapulapu batok sa mga manakupay ang nahimo nga inspirasyon sa mga modern Filipinos nga mas hatagan og bili ang kagawasan nga gi-enjoy karon sa kadaghanan.
“We remember the victory of our ancestors led by Lapu-lapu in defending our native land from colonizers in Mactan," saysay ni Basti Duterte.
Samtang si Lapu-Lapu City Mayor Junard ‘Ahong’ Chan, kinsa nipadangat sa iyang mensahe diha sud sa Hoops Dome, nipadayag sa iyang dakong pasalamat sa paghatag og dakong bili ug pag-ila kang Datu Lapulapu diha sa matag Pilipino.
“In behalf of all the Oponganons the City of Lapu-Lapu shared these milestones to the rest of the Filipino nation. We want the celebration to be inclusive, integrative and innovative. We want each and every Filipino to identify with the symbolisms and significance of the victory at Mactan, because this is not just the heritage of the Cebuano but of all Filipino. This is history we all shared,” pamahayag ni Chan, kinsa nagsilbi sa iyang unang termino isip mayor human siya ang nidaug sa Mayo 2019 elections. (FMD)