SUPERBALITA CEBU

Fighter Wine mimakmak sa Siargao sa Labella Christmas caging

F-50: Ang kinatibuk-ang puwersa sa Fighter 50 nga nagpahulagway human sa ilang kadaugan batok sa Siargo New Wave sa pagsugod sa Cebu City Mayor Edgar Labella Cup sa City Sports Institute Gym sa Sawang Calero. (Tampo)

MGA duwa karon

5:30 pm. JTR vs. KCS Lapu-lapu

7:00 pm. Aspa vs. Siargao Wave Riders

8:30 pm. Fighter 50 vs. SG

Saktong dominasyon maoy giabli sa Fighter 50 sa pagsugod sa Cebu City Mayor Edgar Labella Christmas Inter-commercial basketball League niadtong Dominggo pinaagi sa paglubong sa Siargao Team, 101-67, nga gipahigayon sa City Sports Institute Gym, Sawang Calero, dakbayan sa Sugbo kagabii.

Pinangulohan ni Dondon Hontiveros, laing kanhi PBA mainstay Marvin Hayes, ug University of the Philippines (UP) pointguard Jaybie Mantilla, ang Fighter 50 sayong miarangkada ug nakaposte dayon kini og 15 puntos sa second quarter.

Gikan niini, wala na kini molingi pa aron irehistro ang impresibong kadaugan.

Sa sayo pa, ang JTR milubong sa Aspa Frameworks, 99-81, samtang gipatapsingan sa SG ang KCS Lapu-lapu, 99-97.

Samtang sa exhibition match, ang Cebu City-LGU mibuntog sa Siargao (LGU) New Wave, 109-89.

Ang parada sa mga partisipanting teams nga gisundan sa hamubong opening ceremony maoy misikad sa usa ka semanang kompetisyon nga gisalmutan sa unom ka mga local teams.

Ganting salapi nga mokabat ngadto sa P200,000 ang nakahan-ay alang sa mga mananaog sa kompetisyon diin ang kampiyon makabulsa’g P100,000 samtang ang runners up adunay P70,000.

Ang third ug fourth placers tinagsang makadawat usab og P50,000 ug P25,000.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph