HEPE sa Police Regional Office (PRO) 7 mimando sa tanang kapulisan sa Central Visayas nga gukdon ang illegal nga sugal nga padayon misi-aw sa ilang huresdiksyon kini nunot sa nadawat nga impormasyon nga naghitak na usab kini karon.
Namiligro karon ang mga Chief of Police sa tibuok rehiyon 7 kung padayon nga mag hitak ang illegal nga sugal sa ilang huresdiksyon human sa reklamo sa Philippine Charity Sweepstakes Office PCSO labot sa mikatap nga illegal small town lottery.
Ang PCSO Central Office pinaagi sa general manager niini nga si Royina Garma nagpadalag suwat kang Police Brigadier General Valeriano de Leon sa mPRO 7 nga problema karon sa mga awtorisado nga STL operators ang pag tumaw sa mga nagpadagan sa illegal nga sugal.
Tungod niini, mimando karon ang PRO-7 director nga gukdon kadtong mga nag operate sa illegal numbers game sa Central Visayas kung dili sila hulipan sa ilang katungdanan.
“We will evaluate the performance of every station commanders in the region. Those who are dismal in the campaign against illegal gambling must go and give others a chance to lead,” matod ni de Leon.
Sa report nga nadawat ni de Leon nga adunay mga illegal gambling operators ang nakig kompetansya na sa mga lihitimo nga STL operators nga naka palugi na sa ilang kita.
Aduna na silay matrix kung kinsa ang ilegal ug legal nga mga STL booths nga makita diha sa kabarangayan.
Ang Globaltech Peryahan ng Bayan ang mireklamo na ngadto sa PCSO tungod kay mihinay ang ilang kita tungod sa pagtumaw sa mga illegal nga pasugalan diin gidala pa ang ilang pangalan.
Gawas nga namuhal sila sa mahimong daugon sa mga mo taya wala usab maka kwarta niini ang gobyerno tungod kay didto na kini napunta sa mga illegal operators.
Masaligon ang heneral nga walay pulis nga iyang sakop nga nakapahimulos gikan sa illegal numbers game. (AYB)