SUPERBALITA CEBU

Mongaya: Holiday spirit na!

Panahom

NANGLAAG ming pamilya karon sa Bonifacio Global Center (BGC) ug daw Pasko na man ang hangin.

Gikan man lagi sa kasal sa akong eldest nga si Karlo ug si Sheila sa miaging Dominggo sa hapon.

Nag-abot didto ang pamilya ug suod nga mga higala. Ok ra man diay ang usa ka selebrasyon nga moabot lang og mga 60 ka tawo.

Nanambong ang pamilya ni Linay, ang akong igsuon, kuyog sa iyang bana nga si Al Solon ug duha ka mga anak.

Diha sab ang among higala ni Doris nga si Nato Agbayani ug si Jesse Bacon. Nitambong sab si Jun Pasaylo nga kauban ni Sheila sa PR agency nila nga Pinnacle. Tua man sa Uropa si Sharina mao nga wala makakuyog.

Dayon, diha si Mong Palatino, ang kanhi Kabataan partylist congressman. Kauban man sila ni Karlo isip mga correspondent sa Global Voices.

Diha sab si Fr. Ed dela Torre nga naghatag og mga buluwanong mga punto alang sa bag-ong minyo.

Mao nga karon, usa ka adlaw gikan sa kasal, panahon nga manglaag ang tibuok pamilya. Gilaag na sab sa mga bata ang Kidzania diha sa BGC.

Bahalag unsa kalisod ubos sa krisis karon basta gikan sa kasal kami nya Pasko gihapon.

Bisan pa man, di mahimong kalimtan ang kahimtang sa nasud.

Pananglitan, sa miaging Dominggo mismo naigo na sab ang Davao og laing linog. Lalim bay moabot og 6.9 sa Richter scale. Expected nga modaghan pa ang mga apektado nga gikinahanglan tabangang mga molupyo sa Davao. Wa pa gani mahuman ang kalisod sa mga apektado sa miaging mga linog.

Laing mainitong isyu karon mao nga giunsa paggamit ang binilyong gigahin para sa miaging South East Asian Games 2019. Lahi man gud ang in-charge sa mga atleta nga maoy atong pakpakan. Lahi sab ang Phisgoc nga maoy nagdumala sa hosting chores.

Kining Phisgoc mao ang responsible sa mga palpak nga nabalita sama sa wala pagkawala makuha sa pipila ka mga team diha sa Ninoy Aquino International Airport (NAIA).

Wa pa sab mahuman ang isyu kabahin sa palpak nga anti-drug war. Bisan unsaon pagsaway kang Bise Presidente Leni Robredlo ni BP Leni nagkutaw hinuon sa iyang political stock alang sa umaabot nga 2022.

Sa pagkakaron, ang labing kusgan nga contender isip presidentiable mao si Davao Mayor Inday Sara Duterte-Carpio. Naa niya ang labing dakoo nga way agi isip anti-drug czar, unsa man sab ang mahitabo sud sa 18 ka adlaw. Wa man gani mapapas ang gidiling drugas sud sa kapin sa tulo ka tuig,

Ang pagtud nga political organization sa tibuok nasud.

Basi sa akong nadunggan, interesado sab si Yorme Isko Moreno sa Manila. Mura siyag si Presidente Duterte kay aksyon agad. Dayon, bugoy. Apan, bata pa siya ug dili bastos. @anol_cebu sa Twitter


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph