SUPERBALITA CEBU

Lonzon: Kinsay nakaingon sa linog?

Mata sa agila

ATO lang sabton ang pasangil sa ubang netizens nga si Presidente Rodrigo Duterte ang nakaingon sa kalit nga pagbalikbalik sa linog sa Davao ug mga silingang probinsya.

Nasuko man gud sila ni Duterte tungod sa kabasa sa baba niini pinaagi sa pagbalikas sa mga dagko sa Simbahang Katoliko ug witkan pa man gani kuno si Lord.

Apan ang linog gitawag og natural calamity pinaagi sa pagka diskobre sa fault lines ug way kalambigitan ang Presidente.

Gibirahan sab nila si Pastor Apolo Quiboloy, ang nagpaila sa iyang kaugalingon nga Son of God ug maoy tag-iya sa kalibotan.

Si Quiboloy ilang gibugalbugalan nga ang pag-stop sa linog nahimong “go” kay nagbalikbalik ug nagpadayon ang linog.

Hinuon kon ang balaang kasulatan atong basihan si Lord kahibawo nga masuko. Ilabi sa pagtamay sa iyang pangan ug paggamit sa iyang pangan aron gamiton sa dautang paagi.

Sa kadaghang relihiyon nag-away kon si kinsa kanila ang tinuod nga maoy sugo sa Diyos! Apan gitawag silag mga pekeng propeta.

Dili ba kaha kini ang nakaingon nganong nasuko na ang kahitas-an tungod sa ilang paggamit sa pangan ni Lord aron madatu.

Gihimong gatasan ang kuwarta sa mga kabus nga ilang natonto. Para palit og bugas maoy gihimong para abuloy.

Kanang abuloy ug halad gikan man sa mga kabus ug adunahan ug usa kasagrado para sa kalihukan sa mga simbahan.

Ang nahitabo ilang gibulsa, gilingaw ug gipalit og personal mga butang alang sa ilang kalipay. Nahitabo ni sa usa ka dakong relihiyon nga dunay mga kauban nga nag-grupo aron batukan ang pangurakot sa ilang mga dagko.

Ang nagsulti sa tinuod nga usa ka ministro maoy gigugod, giapeke ug gisuwayan pa gani sa pagpapatay. Apan nakalingkawas kay gikuyugan sa kahitas-as.

Ang pagmatuod niini gisuportaan sa gobyerno sa Canada ug gitagaan og asylum ug security human makonbensir sa iyang testimoniya nga siya ipapatay. (Email: efrenlonzon71@gmail.com / Text: 09235562777)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph