Ex-convict nanunggab

KANANGA, Leyte -Lalake nga kanhi kombiktado sa daghang mga kaso nakadunggab na usab sa Barangay Riverside ning lungsod mga alas 6 sa gabii sa Huwebes, Disyembre 12, 2019.

Giila ang suspek nga si Elmer Niegas, 49, taga Capoocan, Leyte samtang ang biktima giilang mao si Isabelo Alapan, 39, nagpuyo sa nahisgutang dapit.

Base sa police report, ala 1 na sa kazdlawon, Biyernes, nakareport sa kapulisan ang kabanay sa biktima bahin sa insidente.

Base sa imbestigasyon, si Niegas namista sa balay sa usa ka alyas “Hudas” diin ang biktima nangihi duol sa maong balay.

Sa wa mahibaw-i nga rason, kalit nga gidunggab ni Niegas si Alapan, kinsa naigo sa dughan.

Dali nga gidala sa kabanay ang biktima sa Kananga Hospital, apan gi-refer kini sa Eastern Visayas Regional Medical Center (EVRMC) ug padayun karon giobserbaran sa mga doktor. (JKDP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph