SUPERBALITA CAGAYAN DE ORO

Labing unang State of the City Address ni Cañosa

(Hulagway ni Stephanie V. Berganio)

MAKASAYSAYANON ang labing unang State of the City Address nga gihatag ni Gingoog City Mayor Erick Cañosa niadtong adlaw’ng Huwebes sa Rizal Park, Gingoog City.

Kinse ka tuig nga namuno ang kanhi administrasyon sa siyudad ug niadto lang bag-ohay nga eleksyon, napukan ang maong administrasyon ug nahulipan sa usa ka batan-on nga mayor.

Sukad sa pagpungko ni Cañosa niadtong Hulyo 1, 2019 niadtong adlaw’ng Huwebes, Disyembre 12, niya gibatbat ang tanan nga mga programa nga nasugdan ug mga plano nga pagahimoun pa sa umaabot.

Bisan pa sa kakusog sa bundak sa ulan wala makapugong ni Cañosa nga ipaabot sa Gingoognon ang mga maayong balita ug programa ubos sa iyang pamunoan samtang libo-libo ka mga katawhan ang misaksi ug naminaw kaniya.

“Ang katawhan mao ang gobyerno ug ang gahom sa gobyerno nagsumikad gikan sa tingog sa katawhan,” kini ang iyang labing unang mensahe nga gipaabot sa katawhan.

Mga plano ug programa

Upat ka mga areas ang gibatbat ni Cañosa nga gitawag niini og GOLD kon Good Governance and Transparency and Accountability; Opportunities for Agriculture and Tourism Development; Livelihood Development and Implementation; ug Delivery of Health, Education and Social Services.

Gitutokan ni Cañosa ang programang agrikultura sa siyudad sa Gingoog kon diin iyang gipaabot nga bout niyang palamboon ang Coffee ug Cacao Production tungod kay agricultural land ang siyudad.

Kung daghang ma prodyus na nga cacao, gitakdang magtukod og kompanya sa chocolate ang siyudad tungod target niining mahimong Chocolate capital sa Misamis Oriental ang Gingoog.

Gilantaw usab niini ang dakong katukoran sa mega farm sa duha ka barangay sama sa Bantaawan ug Lunotan kon asa ilang tun-an ang produksyon sa strawberry ug dairy. Dinhi sab iyang gilantaw ang katukoran sa Orchidarium kon asa klase klaseng bulak sa orchid ang makit-an ug uban pa nga amenidad.

Bout sab niining hatagan og pagtagad ang uban pa nga mga pananom aron dili mawad-an og panginabuhian ang mga mag-uuma. Sa tuig 2020 gipunduhan og P150 milyon ang agrikultura lamang.

Lakip sa bout palamboon niini ang Turismo sa siyudad sama sa pagpagwapo sa Tiklas Falls ug Cevoleg falls ug sa tuig 2020 gitakda ang dakong kausaban ug kalamboan sa Badiangon Resort tungod kay mahimo na kini og usa ka dakong waterpark nga dugang atraksyon sa siyudad ug kini pagatawgon nga Badiangon Waterpark.

Sa kalamboang infrastruktura iyang gibatbat ni Cañosa nga gitakda ang dakong renobasyon sa merkado sa Gingoog.

Samtang gipaabot usab niini nga dugang mga investors ang andam mobubo og puhunan ug dunay mga kompanya nga pagatukoron makahatag ug pangempleyo sa Gingoognon sama sa Great providence wood product corporation, call center; usa ka mall ug uban pa.

Gibutyag ni Cañosa nga ang paspas nga pagsulod sa investor magdepende sa pagsalig sa mga investor ngadto sa mga namunoan ug kumpiyansa kining sa iyang administrasyon karon dako ang pagsalig kaniya tungod sa sunod sunod nga pagsulod sa mga investor nga andam mobubo og puhonan sa siyudad.

Laing branch sa Polymedic Hospital ang magsugod ang katukoran sunod tuig ug mao kini ang San Isidro Polymedic Hospital. Giparada usab niini ang unom ka mga emergency vehicle alang sa mga balay tambalanan sa Gingoog.

Sa hisgotanang peace and order gipaabot niining aduna nay natunol nga patrol car, gitakdang pagpatukod sa mga police outposts ug dugang kapolisan nga makabantay sa kahusay ug kalinaw.

Gipaabot sab niini ang iyang dakong pagsalig kang Police Lt. Col. Ariel Philip Pontillas nga maoy hepe sa Gingoog City Police Station.

Gipaabot sab niini nga 15,000 slots sa scholarship ang iyang ihatag sa mga tinun-an sa siyudad ug libreng tuition sa Community College of Gingoog City (CCGC) ug katukoran sa dormitory sulod niini.

Gipasabot ni Cañosa nga adunay mga programa sa kanhi administrasyon nga iyang padayunon ug dugangan samtang duna sab ang dili na.

Gipaabot niini nga dili siya molantaw sa bulok sa pulitika ug giawhag ang katawhan nga makigtambayayong alang sa kalamboan tungod kay ang kinahanglan nga sulbaron dili ang kaguliyang sa pulitika apan ang problema sa adlaw adlaw nga panginahanglon.

“Ang pinakaimportante nga maatiman gayud nato ang mga naglisod nga pamilya dinhi sa dakbayan sa Gingoog, ipadayon ug palamboun pa ang mga maayong proyekto ug programa apan ang kadtong dili angayan adunay kitay bag-ong plano nga angayan mabati sa atong katawhan,” kini ang sulti ni Cañosa kung asa ang iyang dul-an duha ka oras nga speech gitapos sa pagpasiga sa prosperity fountain tunga tunga sa Rizal Park.

Dinapit sab nga bisita niadtong gabhiona ang singer nga sila si Sheryn Regis ug Juan Carlos ug aktres nga si Jennifer Lee.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph