USA ka press conference ang gipatawag sa TV alang sa Diamond Star nga si Maricel Soriano. Si Maricel, mipirma og usa ka non-exclusive contract sa TV 5 alang sa usa ka drama anthology.

Gikataw-an na lamang ni Maricel ang isyu nga ang talent fee ang hinungdan kung nganong nakahukom siyang mobalhin sa TV 5 gikan sa pila ka tuig nga pagpabilin sa ABS-CBN.

Matag Lunes, sugod March 22, 8 p.m., makita ang drama special ni Maricel sa TV 5.

Sa maong presscon, may gamay'ng paigo si Maricel sa ABS-CBN.

"Hindi naman lahat, eh, pera-pera lang. Basta ang masasabi ko, ipinaramdam nila sa akin na artista ako," sumala sa Diamond Star.

This year, gitakdang mo-produce og mga pelikula ang TV 5. Willing sab si Maricel nga mohimo og movie ilawom sa film outfit.

"Of course naman. Bakit naman ako tatanggi kung bibigyan nila ako ng pelikula. Aba, eh, trabaho 'yon. 'Di ko 'yon tatanggihan," pahayag pa niya.

May gustong makauban si Maricel sa pelikula if ever ug kini mao ang iyang Daddy Dolphy.

Si Dolphy nga naa na sab sa TV 5, mao ang nagsilbing amahan ni Maricel sa showbiz sud na sa pila ka tuig.