ANG Police Regional Office (PRO)-Davao misikad sa ilang healthy lifestyle program pinaagi sa fun run nga nagtumong nga ipabiling himsog ang ilang personahe nga parte sa ilang Internal Cleansing Program.
Si Police Brigadier General Filmore B Escobal, PRO-Davao Regional Director, nanguna sa physical fitness and sports development program nga gilangkuban sa 30-minutos nga Zumba ug 10-kilometer fun run nga gihimo sud sa PRO-Davao Camp.
Ning bag-o usa ka memorandum ang gipaguwa alang PNP personnel nga nagpasabot kanila sa importansiya sa saktong diyeta ug ehersisyo.
“It is very important for us to be physically fit considering the nature of our jobs. That is why we are monitoring monthly the Body Mass Index (BMI) of every personnel,” matud ni Escobal.
“Those who failed to achieve their required weight after a given period of time, they will be disqualified for promotion or will not be recommended for mandatory schooling. We are doing this to instill discipline among our personnel and that includes their physical well-being,” matud niini.
Dugang niya, ang himsog ug physical fit nga pulis mas epektibo nga makasilbi sa publiko.
“We should always be prepared and fit to run after criminals and violators of the law. Also, being in optimum health enables us to be ready to defend ourselves and our families from any danger that could come our way,” matud ni Escobal.
Kini nga mandato gipatuman sa tanang siyudad ug provincial police office ngadto sa municipal police stations. (PR)