Hustisya sa dekadang krimen

MANILA. Si House Representative Esmael Mangudadatu, tunga, kansang asawa ug mga paryente naapil sa Maguindanao massacre niisa sa iyang kumo, uban sa mga pamilya ug suporter human nahukman nga sad-an ang pipila ka mga miyembro sa gamhanang Ampatuan clan human malambigit sa niluog nga pagpatay sa 57 ka mga tawo niadtong Nobyembre 23, 2009. (AP)
MANILA. Si House Representative Esmael Mangudadatu, tunga, kansang asawa ug mga paryente naapil sa Maguindanao massacre niisa sa iyang kumo, uban sa mga pamilya ug suporter human nahukman nga sad-an ang pipila ka mga miyembro sa gamhanang Ampatuan clan human malambigit sa niluog nga pagpatay sa 57 ka mga tawo niadtong Nobyembre 23, 2009. (AP)

MGA igsuong Andal Jr. “Datu Unsay” ug Zaldy Ampatuan ug lain pang uban sad-an sa 57 ka ihap sa kasong pagpatay may kalabutan sa 2009 Maguindanao massacre ug gisilotan og reclusion perpetua nga way piyansa o parole.

Si Quezon City Regional Trial Court Branch 221 Judge Jocelyn Solis Reyes maoy nagpakanaug Huwebes, Disyembre 19, 2019, sa iyang consolidated partial decision sa maong kaso, mga 10 ka tuig human gihulagway isip pinakaniluog nga atake batok sa mga tigbalita.

Duha pa ka mga sakop sa gamhanang Ampatuan clan, Akmad Sr. ug Sajid Islam, naabsuwelto. Kapin 10 sa 31 ka mga pulis nga giakusahan sa krimen ang giabsuwelto sab.

Ang dispositive portion lang sa 761-panid sa hukom ang gibasa sa korte mga 11:30 sa buntag Huwebes, human nalangay og kapin duha ka oras.

Mga abogado nga nagpresentar sa magsuong Ampatuan managlahing nagsulti nga mopasaka sila og apela sulod sa 15 ka adlaw.

Lain pang unom, nga dunay apilyedong Ampatuan, ang sad-an sab ug gisilotan og reclusion perpetua. Sila mao si Datu Anwar Sajid “Datu Ulo” Ampatuan, Datu Anwar “Datu Ipi” Ampatuan Jr., Datu Anwar Ampatuan Sr., Manny Ampatuan, Mohades Ampatuan, ug Misuari Ampatuan.

Ubang mga nakonbikto ug gisilotan sa samang sentensiya mao sila Police Inspector Saudi Mokamad; Police Officer 1 Jonathan Engid; Abedin Alamada nga nailhan sab isip Kumander Bedi; Talembo “Tammy” Masukat nailhan isip Talembo Kahar Abdulrakman; Theng P. Sali labing nailhan nga Adbullah Hamid Abdulkahar; Nasser Esmael nailhan isip Nasrudin Esmael;

Police Chief Inspector Sukarno Dicay; Police Superintendent Abusama Mundas Maguid; Police Superintendent Bahnarin Kamaong; Tato Tampogao; Mohamad T. Datumanong nailhan isip Nicomedes Amad Tolentino; Taya Bangkulat; Salik Bangkulat;

Thong Guiamano nailhan isip Ibrahim Kamal Tatak; Sonny K. Pindi nailhan isip Joven Salazar Piang ug Bimbo Salazar Piang; Armando Ambalgan nailhan isip Jamil Bulatukan; Kayansang/Bolatokan Omar (nagsulti isip Omar Bulatukan Kayansang); Kudza Masukat Uguia nailhan isip Datu Teng; Ibrahim/Mustapha Ibrahim; Edres Kasan nailhan isip Edres Gogo Alip (nagsulti isip Edris Gugo Kasan); Zacaria P. Akil nailhan isip Quago Akil; ug Samaon Andatuan.

Sa kinatibuk-ang 197 nga indibiduwal nga gikasohan og multiple murder tungod sa pagmasaker sa 58 ka mga tawo, naglakip sa 32 ka mga tigbalita niadtong Nobyembre 23, 2009.

Sa 197, 117 niini nadakpan. Ang nahabilin gawasnon pa hangtud ning panahona. Ang korte nagpagawas og warrants of arrest alang sa 80 human sa promulgasyon sa hukom kagahapon.

Sa 117, 15 niini mga sakop sa gamhanang Ampatuan clan. Ang Ampatuan patriarch, Andal Sr., ug lain pang pito namatay samtang napriso.

Desi sais (16) sa 31 ka mga pulis nga giakusahan gibuhian pinaagi sa piyansa. Walo sa mga akusado gibuhian sab human ang ilang mga kaso gibasura.

Laing usa nahimong state witness ug ubos sa witness protection program sa kagamhanan.

Si Zaldy, kanhi gobernador sa Autonomous Region in Muslim Mindanao (karon Bangsamoro Autonomous Region in Muslim Mindanao), nibalik sa prisohan niadto lang Miyerkules, Disyembre 18, human naospital og 44 ka adlaw tungod sa sakit sa kasingkasing. (SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph