Super Suroy: Ayaw'g sipyata pagduaw sa Kaohsiung

Xiadanshui River Steel bridge (Hulagway kuha ni Philip A. Cerojano)
Xiadanshui River Steel bridge (Hulagway kuha ni Philip A. Cerojano)

KON naghuna-huna ka pa sa dapit nga nindot suroyan ilabi na sa Southeast Asia ilakip sa inyong bucketlist ang Kaohsiung City, Taiwan.

Passport ug bawon nga gamayng cash ma-enjoy nimo ang maong dapit.

Ilabi na nga dili ka ma-stress sa proseso sa imong pagbiyahe tungod kay mas gipasayon alang sa mga Filipino ang pagduaw ang Kaohsiung sa dihang wa magkinahanglan og visa.

Sayon ang pagbiyahe

Dili lisod ang pagbiyahe sa giila nga sister city sa Cebu City sukad pa niadtong 1990 kay adunay direkta nga biyahe ang AirAsia gikan sa Mactan Cebu Internation Airport (MCIA) paingon sa Kaohsiung International Airport (KIA).

Ang time travel molanat lang og 2 ka oras ug 25 minutos sa matag adlaw nga Martes, Huwebes ug Sabado.

Affordable sab ang airfare sa AirAsia nga siguradong kaya sa bulsa.

Basta mag-andam lang og P1,620 nga bayranan alang sa imong travel tax ug terminal fee diha sa tugpahanan sa MCIA.

Connection

Inig abot nimo sa KIA, sa dili ka pa molahos paingon sa imong hotel nga imong kasamtangang puy-an siguradong maputol na ang connection sa imong communication line sa Pilipinas.

Gawas lang kon naka-roaming imong mobile phone, apan adunay laing alternatibo aron pabilin kang konektado sa imong mahal sa kinabuhi nga nahibilin sa Pilipinas pinaagi sa internet connection.

Mamahimong makapalit og pocket wifi nga imong mapahimuslan sa imong pagsuroy-suroy sa nagkadaiyang destinasyon sa Kaohsiung ug aron sab maka-update ka sa imong mga lakaw ug maka-upload diha sa imong social media account hilabi na sa Facebook ug Instagram.

Laaganan

Sa sentro nga bahin sa Kaohsiung City gihugpaan ang ilang night market diin makapalit sab ka og mga lami-an nga pagkaon, ayawg kahibulong kay normal ra sa maong dapit ang kadasok sa mga tawo.

Usa sa nindot nga suroyan sa area mao ang ilang Love River, nga mahimo kang mosakay sa solar boat ug mangangha ka sa kanindot sa ilang sapa nga anaa sa sentro sa siyudad,

Take note, walay basura ug limpyo ang lugar bisan kon ang dapit adunay pier.

Makita usab sa duol ang ilang opera house, ug ang iconic building nga mao ang Tuntex 85 Sky Tower ug ang Qijin rainbow church.

Nindot usab bisita-on ang Confucius temple unya lahos ngadto sa Dragon-Tiger Tower diin maoy sagad dagsaon sa mga turista gumikan sa maanindot nga view.

Naa sab ang E-da Mall ug Theme Park, Fo Guang Shan Buddha Museum.

Ang Kaohsiung adunay lapad nga dalan ug hamugaway ang ilang natad sa transportasyon gumikan sa taxi, bus, train ug aduna sab silay subway nga nagsumpayu sa north ug south Taiwan.

Kon gusto ka moadto og Taipei nga adunay 347 kilometros ang gilay-on, mahimo nang nimong maadto dul-an sa duha ka oras nga biyahe.

Ang ilang mga dalan walay mga sidewalk vendor diin hamugaway ang pag-agi sa mga pedestrian.

Eenglish speaking

Ang labing maayo nga balita mao nga daghan na sa mga Taiwanese ang makahibalo mo-istorya og English ug sayon ra ang pagpangutana sa higayon nga masaag ka.

Ang Taiwan nga kaniadto naglisod usab gumikan sa ilang problema sama sa polusyon, apan sila nakabangon ug nabalk ang ilang environment pinaagi sa limpyo nga kanal, sapa ug dagat ug labong nga kakahuyan sa kabukiran.

Adunay di mominos 154,000 ka mga Pinoy nga nagpuyo o nanarbaho didto sa Taiwan ug ang ilang mga pagkaon dili mahal sanglit ang ilang kwarta dili layo og value sa Philippine peso.

Unsa pay inyong gipaabot, bisitahon ta ang Kaohsiung ug ubang parte sa Taiwan sakay sa AirAsia.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph