KON si Nang Dionisia Pacquiao, ang inahan sa kasamtangang World Boxing Organization (WBO) welterweight champion Manny Pacquiao mao lay pabut-on, gusto niya nga moretiro na ang iyang anak sa pamoksing.

“Kung ako ang susundin, ayoko na. Tama na ‘to tama na nanalo siya… Wala ng kasunod, kung ako ang magpayo sa kaniya,” matod ni Dionisia sa interview sa “Umagang Kay Ganda” kagahapon.

"The Manny Pacquiao Blog". Click here for stories and updates on the Filipino boxing champ.

Mao usab kini panawagan ni Dionisia ngadto sa iyang anak sa niaging tuig.

Si Manny, human sa iyang malampuson nga pagdepensa sa titulo, mohikling lang una sa pamoksing aron hatagan og igong pagtagad ang iyang pagsulod sa pulitika. Magpapili siya isip kongresista sa Sarangani Province karong Mayo 10.

Sa dihang gipapili siya ko asa siya pabor – magpabilin si Pacquia sa pamoksing o mosulod na lang sa pulitika.

Matod ni Dionisia nga, “basta sa boksing, huminto na siya. Tama na, stop na siya, rumetiro siya sa boksing.”

Si Dionisia naila na sa grabing pagsuporta sa iyang anak nga gani mas gipalabi pa niini ang pagpangadye kay sa motan-aw sa away sa iyang anak sa television.

“Kahapon sa laban nila noon ang pinakamatagal na nakaluhod ako, 3 hours,” nagkanayon si Dionisia kinsa mibutyag nga ang iyang tuhod wa gyud manakit og linuhod.

“‘Di naman kasi tiniis.”

Iya usab gilakbitan nga permi nyang iampo alang sa iyang kadaugan sa umaabot piniliay batok ni Roy Chiongbian alang sa Sarangani Province congressional seat.

“Okay naman. Araw-araw ako nagdarasal sana sa pagtakbo niya sa pulitiko, walang mangyari,” matod niya.

“Hinihiling ko lang sa kaniya hindi magbago, hindi maging malaki ang ulo, and kabutihan at kabaitan niya ganun pa rin kahit tumanda siya… ang pagiging masunurin at mag-alaga sa pamilya niya.”

“Mag-ingaat siya sa pera, todo ingat atsaka ilagay sa kabutihan ang pera at alagaan nang maayos ang negosyo nila,” panapos sa giila usab nga “Pacmom.”