SUPERBALITA CAGAYAN DE ORO

Super Ka! Silver Eagle Award naangkon sa Gingoog City Police Station

MABUNGAHON ang pagtapos sa tuig sa Gingoog City Police Station sa pagpanguna ni Police Lieutenant Colonel Ariel Phillip Pontillas.

Kini gumikan sulod sa pamunoan niini tulo ka mga dagkong pasidungog o award ang naangkon sa buhatan.

Ning katapusang bulan sa Disyembre, gikonsiderang pinakataas nga pasidungog sa Philippine National Police ang naangkon ug nag-inusarang city police station lamang ang Gingoog sa lalawigan sa Misamis Oriental ang nakaangkon og Silver Eagle award.

"Kita sa atong station proficient ta at the same time gitagaan ta og taas nga rating ug mao ni ang highest award," matud ni Pontillas sa Super Ka segment sa SunStar SuperBalita Cagayan de Oro.

Gipaabot ni Pontillas nga dili lang kini gikan sa iyang kaugalingon nga paningkamot apan paningkamot sa iyang mga kauban sa istasyon ug labaw sa tanan suporta sa katawhan ug lokal nga kagamhanan.

Ang maong pasidungog parte sa PNP's Performance Governance System (Proficiency Stage) ngadto sa mga police station nga adunay maayong performance sa ilang mandato labina gyod ang pagprotehir sa katawhan nga ilang gisakopan lakip ang ilang Municipal ug City Advisory Councils.

Ang PNP's PGS gibahin sa upat ka stages nga mao ang Initiation, Compliance, Proficiency, ug Institutionalization ug ang Gingoog PNP nakakuha og lapas 90 porsiyento nga ratings.

Ang Performance Governance System (PNP ITP-PGS) 2030 usa ka governance Roadmap sa PNP nga adunay upgraded nga bersyon sa Integrated Transformation Program (ITP).

Mao sab kini ang Philippine adaptation sa Balanced Scorecard usa ka management tool nga gamiton aron pagtrack sa kalamboan sa organisasyon aron makab-ot ang vision niini hangtod sa tuig 2030.

Ang PNP ITP-PGS Roadmap gitawag nga "PNP Patrol Plan 2030" o "Peace and Order Agenda for Transformation and upholding of the Rule-Of- Law."

Gawas sa maong dakong pasidungog nga naharbat, ang Gingoog City Police Station una na nga nakadawat og pasidungog nga Outstanding City Police Station award niadtong bulan sa Hulyo atol sa 22nd Police Community Relations (PCR) Month Celebration.

Samtang nakuha sab sa Gingoog ang Best Component City Police Station niadtong Septiyembre 16, 2019 atol sa ika 118th Police Service Anniversary.

Kini tanan nga mga awars personal nga gidawat ni Pontillas.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph