ANG Toril-based Guevarra Law Office sa Davao City nahuman sa ikatulong pwesto sa pagtapos sa Senator Emmanuel D. Pacquiao’s birthday random chess team tournament nga gihimo sa Robinson’s Place General Santos, Disyembre 17.
Ang tim gilangkuban sa arena grand master (AGM) Jimzon Trangia, Perkins Bayron ug Alfred Moulic nga gigiyahan ni lawyer Jong Guevarra, miharus sa puntos nga 13.5 points sa random chess event.
Ang Chesson-Cagayan de Oro B trio nila Basilio Pandan, Romeo Canino ug Jovy Edades miguwang kampeyon uban ang 14.5 points samtang ang Team Bomgew, mikamada sa 14 points aron makuha ang runner-up honors.
Ang Dabawenyo Reynaldo Quiñonez nagmugna sa Bomgew team diin ang playing team manager mao si Norman Longjas nga gikan sa Bohol.
Ikaduhang tim ni Guevarra nga Jardin del Roca, nabutang sa ika-29 sa chessfest nga nanghatag og cash prizes nga P50,000 sa kampeyon, P30,000 sa second placer, ug P20,000 sa third placer.
Ang tim niya anaa sa ikalima sa nakalabay nga tuig, diin ang standard chess giduwa di sama sa random chess nga gihimo karon nga tuig.
“The pieces in the first rank will be randomly placed based on the starting position that was selected by raffle. There are 960 starting position,” ni Guevarra dugang sa pagsulti nga ang random chess mas lisud itandi sa standard chess tungod sa lisud nga posisyon sa mga piyesa niini.
Mga magduduwa og chess lukop nasud nagpasalamata ni Senador Pacquaio, nga usa sab ka chess player sa suportang gipadangat kanila ug sa isports. (MLSA)