DEAR Noy Kulas,

Usa ko sa mga dalaga nga nagsunod gyud permanente sa imong column. Di lang nako tas-on ang akong pangumusta nimo diha.

Nia ko mangayo og tambag nga inamahan nimo. Tawga lang ko og gurl_martyr. Di man ko perfect nga pagkatawo apan gipanganak pod ko nga arangan. Di sa kuwarta, apan sa hitsura naa.

"The Manny Pacquiao Blog". Click here for stories and updates on the Filipino boxing champ.

Kining akong problema kabahin ni sa gugma. Last November nagsugod ang akong kasakit. Niadtong bulana akong gibalikan akong X nga atong nganlan og Mr. AJ2alang.

Dugay nang among relasyon. Sa pag abot og December, nasakpan gayud nako nga magsige pa diay sila og kita sa iya pong babaye.

Akong nadawat nga ako two-timemon kay lagi uyab-uyab ra man ni.

Apan nganong dulot man kaayo ang akong kasakit, Noy? Hangtod karon di man nako mapasaylo si Mr. AJ. Unsa may angay nakong buhaton? Kaniadto sige na gyud niya ning gibuhat nako.

Before babaye gihapon ang nakaingon sa among panagbuwag. Lahi na man karon kay dako na kaayo ang akong kasilag aning tawhana.

Hagba gyud kaayo ko, Noy, sa iyang gibuhat nako. Naa pa ba kahay luna sa akong pagpasaylo niya? Ang akong gikahadlokan kay halos tanan na nga lalake di na ko ganahan moatubang. Gugma ba kaha ni, Noy?

Daghan kaayo kog pangutana.Usa pa, Noy, ako siyang gipangutana nganong iyang tong nabuhat nako, apan wala siyay igong tubag.

Tubagon lang ko og gugma daw siya nako. Gugma ning iyaha nako sa iyang gibuhat? Unsaon man nako sa paglikay aning tawhana? Magtan-aw ko niya, Noy, tanan nga kasakit magbalikbalik.

Noy, tambagi ko kay naglibog na kog maayo. Gamay ra ni nga problema alang sa uban apan dako kaayo ang akong kasakit.

GURL_MARTYR

Gurl_Martyr,

Maayong adlaw nimo. Bitaw, nahigugma man ka nianang tawhana. Mao nang grabe kaayo ang imong kalagot diha niya. Kon wa ka pay feeling alang niya, di ingon niana ang imong bation. You don’t care kon unsa ang iyang buhaton kon ang imoha simple lang nga uyab-uyab.

Mao nang di ka sab makabiya niya kay nahigugma gud ka.

Bisan naglagot ug nasakitan, you still cling. Apan niana nga sitwasyon, maora gyud kag nag-torture sa imong kaugalingon.

Naa ra man gyud na nimo if you stop seeing and communicating niya.

Don’t fool yourself nga ang tanan momaayo ra kay di gyud na tinuod. Kay congenital liar man siya ug di siya kontento og usa ka babaye, wa ka gyuy makit-an o maangkon nga kalinaw uban kaniya.

Busa, wa nay puntong ipadayon mo pa ang inyong relasyon. Kay sa tinuod sab, wa siya mahigugma kanimo. Wa gud siyay respeto nimo.

Hinaot unta nga makaamgo ug mahigmata ka na. Ang tanan nag-agad ra gyud nimo.

NOY KULAS