Binghay: Pilion pag-ayo ang pagkaon

SAYOD kita nga ang pagkaon nga daghan og tambok labi na niadtong mga tambok ug mantikaon nga gikan sa mga hayop, makapadaghan ug makapataas sa LDL kun bad cholesterol kansa mahimong plaque nga maoy mobara sa kaugatan paingon sa kasing-kasing nga kuyaw sa blood clot, stroke ug makamatay nga atake sa kasing-kasing.

Mao kini rason nga kadtong dunay taas nga lebel sa cholestrrol labi na kung mas taas ang LDL (bad cholesterol) nga sobra sa 130 mg/dl, kinahanglang mobisita gilayon sa doctor ug magpatambal.

Diay akong naakuykuyan nga basahon sa Daily Bundle nga mga pagkaong dunay taas nga HDL (good cholesterol) nga maoy mosuyop ug mobatok sa LDL:

Beans- bisag unsang klaseha sa beans kay taas kini og fiber nga maoy motabang og silhig o limpyo sa mga plaque . Ang snack nga gikan sa beans unya wa asini, lamian ug sustansiyado nga kan-on niadtong tag-as og cholesterol labi na kung di kini asinan.

Sunod kining mga nuts sama sa mani, walnuts, almonds, o pecans, bisag usa ka kumkom lang ini matag adlaw makapagamay na sa lebel sa LDL ug maayong pagkaon para sa kasing-kasinig.

Prutas. Bisag unsang klasing prutas kay daghan kini og fiber sama sa mansananas, grapefruit o citrus.

Popcorn nga way asin o butter maka-ayo sab sa kaing-kasing ug maka-kontrolar sa LDL. Imbis asin, ang isagol sa popcorn olive oil, o ba kaha parmesan cheese kay ubos kini og sodium. Gawas pa sab low-calorie snack sab ni siya.

Sabaw nga utanon kay daghan kini og fiber para sa kasing-kasing. Kon mahimo, ayaw kini asini labi na kon sodium based salt; hinuon ang gamiton mga herbs o Kosher salt.

Wheat Bread. Gawas nga taas kini og fiber, taas sab og protein.

Soya. Kining pagkaon og tufo o soy milk mahimong ihulip sa gatas nga gikan sa hayop labi na niadtong mga vegans kay taas kini og protina.

Oatmeal- usa kini sa pagkaon nga mopatuhop sa bad cholesterol maong kanunay kini siyang irekomenda nga ipuli sa kan-on. Mahimo sab kini siyang sagulan og prutas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph