Vallena: Magbantay sa kaon

BASTA December, bantayanan ang kaon kay ang party wala ug tuo. Kon naa ka na sa middle age, angay kang magbantay, ayaw og kompyansa. Labina kon mag-party ug malab-anan ang inom, kuyaw kon mag-drive sa gabii o kaadlawon.

Duna nay nahitabong grabe nga mga disgrasya kay hubog ang nagmaneho. Daghan sab ang giatake ug na-stroke kay pwerteng kaon sa mga pagkaon nga mantikaon, makapasaka sa blood pressure.

Kon duna kay gi-maintain nga tambal alang sa high blood pressure ug uban pa, ayaw pagkompyansa tungod kay bisan naa na ang tambal, duna gihapoy kahigayunan nga atakihon ka sa sakit, labina kon kanunay kang magpalabi og kaon, inom og alcoholic drinks ug kuwang sa pahuway.

Mas maayo ang moderation kun igo-igo lang ang pagkaon, inom ug kinahanglan ang igong pagpahuway. Kon gitambagan ka sa doktor sa paghimo og moderate nga exercise, ayaw ni kalimti. Ang exercise nga 30 minutos kada adlaw, igo na kaayo alang sa imong maayong panglawas.

BISEKLITA

Alang sa mga middle aged nga lalake o babaye, sama nako, di na bentahaan ang biseklita kon ehersisyo ang hisgutan. Kanang magsuroysuroy sa mga higala, instead nga magsakay og motorsiklo o four-wheeled nga sakyanan, magbiseklita na lang. Kanang 6 ka kilometros nga gilay-on, duol na kaayo na. Nakasuroy ka pa, naka-exercise pa gyud.

Sa mga nasod, labina sa Europe, ang biseklita nila didto giapil na sa ilang urban planning. Sa China, dunay mga dapit nga naay bike lanes bisan sa gagmay nga mga karsada. Sa Taiwan ug ubang mga dapit sa Estados Unidos, duna silay dedicated nga mga trail alang sa biseklita.

Naglaway ko matag pakita sa akong mga higala nga toa sa abroad sa ilang taas kaayong mga bike trail. Kanindot kon duna pa unta ta diri sa Cebu. But, unfortunately way naghuna-huna ani kay bisan gani pagpalapad sa karsada, wa giapil ang mga sidewalk, unsa na kaha bike trails?

PASALAMAT

Niadtong Disyembre 8, nagpahigayon ang among grupo nga Hugs og candle lighting dungan sa World Wide Candle Lighting sa ubang mga dapit sa kalibutan. Sa Senior Citizens Park ni namo gipahigayon.

Sud na sa 10 ka tuig namo ning gipahigayon, apan labing unang higayon nga wa maglabad ang akong ulo sa pag-follow-up.

Maayo ning administrasyon ni Mayor Edgardo Labella kon akong basehan ang nangagi namong mga candle lighting diin nangayo mig permit. Dali ra kaayong gipirmahan ni Engr. Editha Peros nga akong nahinabi sa iyang buhatan sa Plaza Independencia.

Sa sound system, bangko ug mga tent, wa mi magliisod pud. Didto pa ang usa sa mga opisyal, Bobby Paller, ningtambong hangtod nahuman ang among kalihukan.

Daghan kaayong salamat sa inyong pagbulig.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph