‘Ligtas Kapaskuhan 2019’ gilusad sa Misamis Oriental

GIPANIGURO sa liderato ni Police Colonel Robert Roy Bahian ang Provincial Director sa Misamis Oriental Provincial Police Office nga andam na ang pwersa sa kapolisan ning kasaulogan sa pasko.

Dunay bahad si Bahian ngadto sa nagplanong mohimo og binuang o maghimo sa kriminalidad.

“Think twice or ayaw na lang,” matud niini.

Atol sa 4th quarter meeting sa joint Provincial Peace and order Council (PPOC), Provincial Disaster Risk Reduction Management Council (PDRRMC), ug Provincial Anti-drug Abuse Council (PADAC), uban sab sa chairman nga si Governor Bambi Emano nagkasabot ang grupo nga hingusgan ug hugtan pa ang seguridad sa katawhan alang sa luwas ug malinawon nga kapaskuhan.

Ilang gilusad ang kampanyang "Ligtas Kapaskuhan 2019," kung diin adunay giandam nga operational guidelines sa tanang pwersa sa kapulisan, lakip ang elite forces sa PNP ug Philippine Army. Gimandong pabantayan ang mga turista nga mibisita dili lang sa dakbayan sa Cagayan de Oro apan tibouk lalawigan sa Misamis Oriental.

"We have prepared a lot for this and security plans are ironed out. Our police forces are ready for this holiday season," paniguro ni Bahian.

Adunay ipahimutang nga public assistance desk sa mga lugar nga dagsaon sa katawhan sama simbahan, malls, ug mga merkado. Ang pag-alerto sa kapolisan mohangtod sa Bag-ong tuig nga selebrasyon.

Gipaabot ni Emano nga makab-ot lamang ang kalinaw ug kaluwasan sa kasaulogan kung adunay hugot nga kooperasyon sa katawhan ngadto sa kapolisan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph