GIKASUBO sa mga vendors ang wala pagtugot kanila sa pagpamaligya sulod sa 24 oras sa Cogon area panahon sa nagsing-abot nga kasaulogan sa Pasko.
Gitugotan sa dakbayan ang mga vendors sa pagpamaligya gikan sa Disyembre 16 hangtod Disyembre 31 diha sa mga piniling kadalanan sa Cogon sa oras sa alas 6:00 sa gabii hangtod alas 5:00 sa buntag.
Kahinumdoman nga nagkagubot ang personahe sa Roads and Traffic Administration (RTA) ug mga vendors tungod sa pagmagahi sa mga vendors nga nagbaligya na sa wala pa sa gitakdang oras.
Sa pakighinabi sa Presidente sa vendors association sa Capt. Vicente Roa nga si Sultan Jabbar Linog nga nasubo sila niini ug gani naghangyo sa mga dagkong negosyante nga hatagan og panahon nga maka display sa ilang mga atubangan nga patigayon aron usab mokita.
"Ang dinaraing nila, ito ay matagal na hinintay nila na dumating ang buwan ng Disyembre dahil dito lamang sila babawi sa kanilang negosyo, nung last year ay nagbigay sila na I think dalawang linggo, labis na natutuwa yung mga vendors," matud ni Linog.
Gidugang pa niini nga nasubo ang mga vendors nga gamay lang nga espasiyo ang gihatag kanila panahon sa buntag.
"Malungkot na ngayon yung mga vendors siyempre hindi naman lahat ng buwan na makakabenta sila ng maayos sa kanilang kahit anong paninda nila," dugang ni Linog.
Nasayran nga gitugotan sila sa pagpamaligya sa adlawan basta gamay lang nga esapsiyo ang ma okupar diha sa mga daplin sa establisimento basta dili kini makaali sa agianan sa tawo ug sa parking area ilabi na sa kadalanan labaw na sa J.R Borja street.
Niadtong Disymebre 20 usab gibadlong mismo ni Konsehal Ian Mark Nacaya ang mga vendors nga gapamaligya pa bisan mga alas 9:00 kapin na sa buntag nga manghipos ug kung dili gusto nga mahakot ang ilang mga paninda.
Una na nga gibutyag ni Nacaya nga kinahanglan nga patas lang ang tanan kini human nga gareklamo na ngadto kaniya ang mga negosyante ug nanag-iya og mga patigayon nga nangawad-an og kliyente tungod kay galisod na kay naatangan na ang ilang mga parking area ug ilang patigayon.
"Sa panahon sa pasko karon dili lang atong interest ang atong hunahunaon kinahanglan sa kinatibuk-ang interest lugar dili lang sa atong kaugalingon kay di nato gusto nga nagkabingkilbingkil ang enforcermrnt ug ang mga vendors nga naa dinhi," dugang ni Nacaya.
Nagpasalamat usab kini kay atol sa pagpamadlong nagpatoo ra usab ang tanan ug manghipos.
"Plastar lang ug patas lang nga panerbisyo lugar ang atong mga Muslim ug mga Kristiyano nga mga vendors mapasalamaton kita kay nakasabot sad sila," dugang pa.