SUPERBALITA DAVAO

Genoguin: Disyembre 25 ba natawo si Kristo?

Kontra Balanse

KAPIN sa duha kalibo ka tuig sukad sa pagkayab ni Ginoong Jesukristo gikan dinhi sa yuta, paingon sa langit sa trono sa iyang Amahan, mag duha kalibo na usab ka tuig nga atong gisaulog ang pagkatawo ni Ginoong JesuKristo nga kuno gipakatawo niadtong Disyembre 25.

Tungod kay nagsugod naman pud kita gikan sa tuig 1 sa dihang mikayab na siya paingon sa langit. Sa atong balaang kasulatan, hutdon muman og basa ang bag-ong tugon diha sa pagkatawo sa atong Ginoong Jesukristo, gikan sa Mateo ngadto sa Pinadayag kon Mugna, wala kay mabasa nga si Ginoong JesuKristo natawo niining maong petsa o bulan.

Sumala sa World Almanac, natawo si Ginoong JesuKristo sa katapusang bulan sa tuig, pero, Ehiptohanong kalendaryo kon Egypthian calendar, nga napulo lang ka bulan ang usa ka tuig.

Kung atong sumadahon anaa sa bulan sa Oktubre ang pagkatawo ni Ginoong JesuKristo, ug sumala pa sa atong mabasa sa bibliya, panahon sa summer kon ting-init, kay namituon man ang kalangitan niadtong panahona atol sa iyang pagkatawo.

Kon nganong 12 ka bulan na ang atong usa ka tuig karon, kini tungod kay Roman Calendar na ang atong gigamit karon, sa dihang gi-insert sa emperador sa Roma ang pangalan nila ni Emperador Julius Agostos Cezar ug kana mao ang bulan sa Hulyo ug Agosto mao nga 12 na ka bulan ang atong usa ka tuig karong panahona.

Karong bulan sa Disyembre “winter” ang ilang panahon karon kon tingtugnaw, sukwahi sa pagkatawo sa atong Ginoong JesuKristo nga niadtong panahona ting-init.

Tungod kay Roman Catholic man ang relihiyon nga maoy naghatag og dakong pasidungog ni Ginoong JesuKristo nga anak sa Diyos, sila mismo ang nagsabwag sa Kristiyanismong pagtulon-an sa tibuok kalibutan, kay gani ang mga Judio nga kaliwat ni JesuKristo sa Israel wala man mutuo nga anak Siya sa Diyos.

Dili nato mabasol ang pinakadakong relihiyon sa kalibutan nga tuhoan sila sa katawhan kung unsay ilang ihulad nga pagtulon-an gikan kang Ginoong JesuKristo.

Bisan pa nga kanang Disyembre 25, natawhan kana sa anak sa ilang Diyos Diyosan sa Roma, kon “the God son of Rome,” mga pagtulon-an sa mga Pagano sa wa pa muabot si Kristo, apan pag-abot na ni Ginoong JesuKristo buhi nga Diyos na ang ilang gituhoan ug ginasimba.

Busa bisan tuod ug wala gyo'y klaro kon unsang petsa o bulan basta kay katapusan sa bulan, ato nalang ipadayon ang pagsaulog sa natawhan sa atong manunobos nga si Jesus Christ. Unta dili pahimuslan sa mga negusyante niining panahon sa Pasko nagmahal ang mga palaliton nga dunay kalambitan sa Pasko.

Gikan sa inyong kolumnista sa Superbalita Davao sulod na sa napulo ka tuig, ug inyong ubos nga komentarista sa Kontra Balanse sa Radyo dxOW sud sa 40 ka tuig na hangtud karon, manghinaut sa usa ka Malipayong Pasko ug Malinawon nga pagsugat sa Bag-ong Tuig 2020.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph