Deborah Sun nakalaya na

USA ka maanindot nga Christmas gift ang nadawat karon sa kanhi aktres nga si Deborah Sun, kinsa naila sa iyang papel nga kontrabida.

Sa dihang nakagawas na siya sa bilanggoan human napriso niadtong Septiyembre 8, 2019 sa kasong paghupot og illegal drugs.

Sa sayo pa, gidakop si Deborah didto sud sa iyang gipuy-an nga condominium sa Quezon City atol sa gipahigayon nga buy-bust operation.

Lakip nga nasikop sa maong operasyon ang 45 anyos nga anak sa maong aktres nga si Angela Porcuna ug laing duha ka mga higala niini gumikan sa kalapasan sa Comprehensive Dangerous Drugs Act of 2002, taho sa PEP.ph.

Gani, nanawagan ang 60 anyos nga aktres sa iyang mga higala nga tabangan siya nga makagawas sa prisohan ug misaad nga iyang nang putlon ang iyang bisyo sa paggamit og illegal drugs ilabi nga nga miguwa nga nag-positive sa gihimong drug test.

Nasayran nga ikaduhang higayon na nga napriso ang aktres human nasulod siya sa Women’s Correctional sa Mandaluyong City niadtong 2004 sa kasong estafa nga gisang-at ni Lorna Tolentino batok kaniya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph