Ai-Ai mipetisyon sa Netflix movie

BISAN tuod nga komedyante si Ai-Ai delas Alas apan dili angayang komedyahan ang Diyos, Birhen Maria ilabi na si Hesus pinaagi sa paggama og pelikula nga ang ‘The First Temptation of Christ’.

Nasayran ang maong pelikula usa ka religious Brazilian satire movie nga makita sa Netflix diin ang papel ni Hesus usa ka bayot, samtang si Birhen Maria makita nga mihithit og marijuana ug ubang Biblical characters nga giyaga-yagaan ang role.

“Patawarin mo po sila LORD [clasp hands emoji].. sign the petition to stop showing this sa NETFLIX ---[frowning emoticons] sino man ang gumawa nito masusunog kayo sa impyerno.. #sacrilege #blasphemy,” ang reaksyon ni Ai-Ai batok sa maong pelikula.

Tungod niini, nanawagan ang aktres sa publiko nga mopirma sa petisyon aron nga kini ipaundang sa pagpasalida lakip na ang panawagan sa viewing public nga dili motan-aw niini.

Ang comedy troupe na Porta dos Fundos ang producer sa The First Temptation of Christ. Bisan sa mga hulga nga i-boycott ug wagtangon sa Netflix ang ilang kontrobersyal nga pelikula, apan wa sila magpaapekto. Sigon sa taho sa PEP.ph. (B)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph