KANSELADO na ang biyahe sa mga barko Lunes, Disyembre 23, 2019, human giisa sa Philippine Atmospheric, Geophysical and Astronomical Services Administration ang Tropical Cyclone Wind Signal No. 1 sa Kabisay-an.
Si Coast Guard District Central Visayas Spokesperson Lieutenant Junior Grade Michael John Encina nikompirmar nga kanselado na ang mga biyahe nga manukad sa mga pantalan sa Kabisay-an nga giisa na sa TCWS 1 base sa alas 11:00 sa buntag nga weather update sa Pagasa Lunes.
Subay gihapon kini sa pagsulod na sa Philippine Area of Responsibility sa Tropical Storm Ursula.
Ania ang mga lugar nga giisa ang TCWS 1:
* Eastern Samar
* Northern Samar
* Samar
* Biliran
* Leyte
* Southern Leyte
* Northern Cebu (Carmen
* Asturias
* Tuburan
* Catmon
* Sogod
* Borbon
* Tabuelan
* Tabogon
* San Remigio
* Bogo
* Medellin
* Daanbantayan
* Bantayan Islands
* Camotes Islands)
* Central Cebu (Balamban
* Talisay
* Cebu City
* Cordova
* Lapu-Lapu
* Mandaue
* Consolacion
* Liloan
* Compostela
* Danao)
* northeastern Bohol (Inabanga
* Danao
* Dagohoy
* Pilar
* Guindulman
* Anda
* Candijay
* Alicia
* Buenavista
* Jetafe
* Talibon
* Trinidad
* Bien Unido
* San Miguel
* Ubay
* Mabini
* Pres. Carlos P. Garcia)
Samtang, nagpahigayon og emergency meeting ang Provincial Disaster Risk Reduction and Management Coucil (PDRRMC) alang sa lakang nga himuon sa pag-igo sa bagyong Ursula.
Gipahibaw ni Gobernador Gwendolyn Garcia nga wala na'y tugutan nga barko nga mulawig.
Nagpatawag sab og emergency meeting si Lapu-Lapu City Mayor Junard "Ahong" Chan sa mga ahensya sa gobyerno ug departamento sa City Hall alang sa pagpangandam ug pagtubag kon ugaling adunay maapektuhan sa bagyo ilabina ang anaa sa mga isla sama sa Olango, Caohagan, Caubian ug Pangan-an. (HBL)