ORMOC CITY, Leyte – Gipaubos na sa Blue Alert status ang dakbayan sa Ormoc subay sa pagpangandam sa epekto sa bagyong Ursula.
Ganinang buntag, nagtagbo ang mga sakop sa City Disaster Risk Reduction and Management Council (CDRRMC) uban ni Mayor Richard Gomez ug gihisgutan ang kabahin sa pagpangandam.
Gisguro sa Mayor nga nakaandam ang tanan nga mga buhatan sa pag responde kung ugaling mo igo ang bagyo.
Matod ni Ciriaco Tolibao, panguo sa CDRRMO, ang pagdeklara og Blue Alert status nagpasabot nga andam na ang Emergency Operations Center (EOC), facilities, staff ug padayun ang ilang monitoring.
Ang EOC sa Ormoc, nahimutang sa opisina sa CDRRM likod sa Liga ng mga Barangay.
Base sa Community-based Monitoring System (CBMS) ang dakbayan dunay 91 ka barangay nga posibleng maapektuhan sa pagbaha, 12 ang storm surge-prone barangays ug 57 ang landslide land slide prone barangays.
Ang dakbayan duna karon bag-o nga system nga makahimo pagpadala og text message sa mga barangay sa usa lang ka-click ug mao kini ang gamiton karon.
Ang City Social Welfare and Development duna usab naka standby nga mga kawani ug drayber, duna na usab kapin 1,000 relief packs nga naka- prepositioned ug laing mga relief packs nga naa sa warehouse sa supplier.
Naka-standby na usab ang mga medisina sa City Health ug Radio Communication Equipment ug dunay mga on call personnel.
Naka-standby na usab ang mga personnel ug ekipo sa Department of Public Works and Highways ug dunay command post sa ilang opisina.
Ang City Engineering dunay naka-standby nga upat ka dumptruck, usa ka boomtruck ug napulo ka service vehicle.
Naka-standby na usab ang kapulisan ug mga ekipo sa Ormoc City Police Office ug andam na sa pagresponde.
Ang General Services Office (GSO) dunay naka- standby nga duha ka 4x4 nga sakyanan ug pito ka 4x2 nga sakyanan ug gipangputlan na usab nila ang mga kahoy nga duol sa mga power lines.
Samtang ang Liga ng mga Barangay padayon nga magmonitor sa command center ug giabisohan ang mga barangay nga pabiling alerto.
Ang City Veterinary Office dunay naka standby nga tulo ka sakyanan ug mga dryaber ug nakig alayon sa Agriculture Office para sa livestock safety.
Naka-standby na usab ang mga ekipo ug personnel sa Philippine Coast Guard.
Ang Philippine Ports Authority mao usab ang mohatag og update sa mga biyahe sa barko ug fastcraft.
Samtang ang Department of Trade and Industry padayon nga magmonitor sa presyo sa mga basic commodities ug supplies.
Ugma sa alas 8 sa buntag, Disyembre 24, 2019, dunay ipahigayon nga briefing sa EOC sa tana sakop sa CDRRMC.
Alas 11 ganinang buntag, gipaubos na sa Signal Number 1 ang tanan lalawigan sa Eastern Visayas diin gilauman nga sa rehiyon mo landfall ang bagyo Martes sa gabie o Miyerkules sa buntag. (Superbalita Cebu)