DEAR Noy Kulas,
Tawga lang ko og Kyla, 21 years old. Bag-o ra ko graduate sa college. Bag-o ra pud ko naka work.
Naa koy workmate nga girl but lalake ang feeling. Nagkasuod mi niya og maayo kay pareho mi og oras sa duty. Pirme ko niya hatod og pasakay kay ako ra mang usa mouli kay akong uyab seaman, nakasakay og barko nga abroad ang biyahe.
Tungod sa among ka suod, na develop na ang ang akong feeling niya. Pagpanguyab niya ako dayon siyang gisugot kay naa koy feeling niya. Besides di kaayo ka feel og guilt kay babaye siya, the same nako. Naa nay nahitabo namo pero di pareho sa lalake ang nahitabo kay romance and touching ra mi. Karon gusto siya nga mo level up mi, mag live in kuno ug siya ra ang bahala sa tanan. Mag abang kuno mi og room duol sa among trabahoan.
Noy naglibog ko kon mosugot ba ko sa iyang hangyo. Okay ra ba nakigrelasyon ko og babaye nga pareho nako? Okay ra ba mag live in mi?
KYLA
Kyla,
Lalake man o babaye, galuib gihapon ka kay nakigrelasyon gihapon ka. Unya ra ba. Maorag nadutlan nag maayo nang tomboy nimo kay makigpuyo na gud siya nimo unya siya pa ang mogasto sa tanan. Kana nagtimaan nga grabe na ang iyang gugma nimo nga maoy posibleng mopa complicate sa sitwasyon.
Buwagi na lang na siya ug ayaw palauma. Kay magkadugay, magkalawom ang relasyon unya wa kay plano nga makigrelasyon niya sa long term, maguba lang nya ang whatever plano ninyo sa. Imong BF.
NOY KULAS
Alang sa imong problema, e-mail sa kulassuper@sunstar.com.ph ug rojval69@yahoo.com