NIPASIUGDA ang Naval Forces Central (Navforcen) og Stakeholders’ Dialogue sakay sa BRP Tarlac (LD 601) niadtong Disyembre 12, 2018.
Kabahin kini sa tahas sa Philippine Navy (PN) sa pagsuporta sa ubang ahensiya sa kagamhanan sa pagpatuman sa Maritime Laws ug pagsuporta sa mga pribadong organisasyon sa ilang adbokasiya sa kadagatan.
Ang Navforcen uban sa Oceana Philippines, local government units (LGUs), law enforcement agencies (LEAs) ug Tañon Strait Fisherfolks Federation (TSFF) gikan sa mga lalawigan sa Negros ug Cebu, labina ang naa sa kabaybayong dapit nga nagpalibot sa Tañon Strait Protected Seascape (TSPS) nihimo og pagtuki og mga pamaagi. Kini aron matubag ang mga kakuwangan ug ubang isyu bahin sa pagpalipod sa dapit sa paghimo sa Maritime Law Enforcement Operations.
Dugang sa dayalogo mao ang pagsuporta sa mga adbokasiya alang sa kalikupan ug kinabuhi sa kadagatan ug pagpreserbar niini.
Sukad sa dayalogo sakay sa barko sa PN sa Tañon Strait sulod sa two nautical miles gikan sa Toledo City Port, duha ka Navy vessels ningpasakay sa mga partisipante ug media personnel gikan sa San Carlos City Port, Negros Occidental ug Toledo City Port, Cebu.
Ang mga barko mao ang BRP Abraham Campo (PC 396) ug Patrol Boat 341, parehong ubos sa Navforcen operational control.
Ang BRP Tarlac (LD 601) usa sa mga bag-ong napalit nga barko sa PN nga sentro sa naasoy nga dayalogo.
Ang dayalogo naglakip sa pagtuki sa current detection, reporting ug response procedures, ug develop mechanisms for interagency and inter-local cooperation, labi na sa illegal fishing concerns.
Ang PN maoy niawtorisa sa mga organisasyon sa pagpatuman sa mga balaud, rules and regulations for fisheries ug ang e-sea ubos sa Philippine Fisheries Code of 1998 (RA 8550, Sec. 124).
Ang organisasyon naglakip sa DA-BFAR, Philippine Coast Guard ug Philippine National Police (lakip sa iyang Maritime Group), LGUs ug uban pang ahensiya.
Niadtong Nobiyembre 16, 2018, si Commodore Loumer P Bernabe, commander sa Navforcen, uban sa BRP Abraham Campo (PC 396) ubos sa pagpangulo ni Cdr. Aldrin Gacusan (commanding officer, PC 396), ang gihatagan og pasidungog tungod sa naasoy nga paningkamot sa pagpanalipod sa Tañon Strait ug kadagatan nga nagpalibot sa Visayas region.
Amg Tañon Strait maoy labing dakong marine protected area (MPA) sa Pilipinas ug gideklarar isip Protected Seascape on 1998 pinaai sa Proclamation Number 1234, “in due recognition of the extraordinary abundance and diverse assemblage of marine life and their importance as feeding, breeding and resting grounds.” (PR)