‘Kidnapper’ pasakaan og kaso

BISAN sa iyang pagpangaliyupo sa pagpangayo og pasaylo, ang mini nga kidnapper nga nasikop sa Davao niadtong Sabado, Disyembre 21, pasakaan gyud og kasong robbery extortion.

Ang suspek nga si Jade Sabroso, 32, taga Maco, Davao de Oro (kanhi Compostela Valley province), nisakay sa post sa Facebook sa pagkawala sa 18 anyos nga dalaga nga taga Sogo, Sugbo, gipresentar sa kapulisan sa Cental Viayas (CV) ngadto sa media kagahapon, Disyembre 23.

Si Sabroso nasikop sa entrapment operation didto sa dakbayan sa Tagum niadtong Sabado dihang nikuha na unta sa ikaduhang hugna sa ransom gikan sa mga ginikanan sa giingong biktima.

Matod ni Sabroso, tungod sa kawad-on maoy nagtukmod kaniya nga mosakay sa post sa Facebook sa usa ka head security nga taga lungsod sa Sogod sa dihang nangita na sila sa ilang anak nga na missing sa siyudad sa Sugbo.

Nasuta nga wa nawala ang dalagita ug nikuyog lang sa iyang barkada apam makapangayo og abeso sa iyang mga ginikanan.

Kini nga sitwasyon gisakysan sa suspek kinsa niangkon sa salaod ug andam niya kining atubangon sa korte.

Unang nangayo kini og P50 mil bugti sa kagawasan sa dalagita.

Tungod sa iyang gihimo sangko sa langit ang iyang pagpangayog pasaylo sa amahan ug siya nanghinaot nga ma pasaylo siya niini.

Gidawat hinuon sa amahan ang pagpangayo'g pasaylo sa suspek kaniya apan kinahanglan usab niya matod pa kining bayran tungod sa kakuyaw nga ilang gibati.

Gibutyag sa amahan nga niadtong Disyembre 16, Lunes, naospital ang iyang inahan sa

Vicente Sotto Memorial Medical Center diin mi kuyog usab ang iyang anak.

Nananghid kini nga molakaw uban sa mga higala niini didto sa dakbayan sa lapu-lapu apan nakagawas na lang ang iyang inahan sa tambalanan, wala na kini mobalik.

Tungod niini, nabalaka na sila sa kahimtang sa ilang anak hinungdan nga nag pa-blotter na sila sa Sogod Police Station sa pagka missing sa ilang anak ug nanawagan sila sa Facebook.

Tungod sa pagpangayon og ransom sa suspek, ang kapulisan sa Sogod nangayho og tabang sa Police Regional Office (PRO) 7 sa Anti Kidnapping Group.

Mihimo dayon og back tracking ang kapulisan sa dalaga ug dinhi ilang natultulan pagka Biyernes, Disyembre 20, sa hapon nga naa ra kini sa Talisay ang dalagita.

Apang ang mga ginikanan nakapadala na og pasiunang P5 mil aron giingong dili patyon ang ilang anak ug kini gipadala sa usa ka remittance center sa Tagum hinungdan nga giplano ang entrapment operation sa ikaduhang pagpadala og kuwarta. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph